Nos Stephanus de Bathor, iudex curie domini Sigismundi, Dei gratia Romanorum imperatoris semper augusti ac Hungarie, Bohemie, Dalmatie, Croatie etc. regis, damus pro memoria, quod Sebastianus de Koromzo pro religioso viro domino fratre Michaele abbate et conventu ecclesie de Bel cum procuratoriis litteris conventus Cruciferorum de Alba iuxta continentiam litterarum nostrarum prorogatoriarum in octavis festi Beati Michaelis archangeli [1436. okt. 6.] in figura nostri iudicii conparendo contra nobilem dominam relictam et Gaspar, filium condam Stephani Chwpor dicti de Monozlo, proposuit eo modo, quomodo prefati nobilis domina relicta et Gaspar, filius eiusdem, circa festum Penthecostes in anno proxime transacto preteritum [1435. jún. 5.] per Benedictum, officialem ipsorum per eos in possessione eorum Pathona vocata constitutum ac Martinum Chapo, Ladislaum, Georgium Benchych, Anthonium, filium Mauritii, Stephanum litteratum, Georgium Mendenes, Thomam Mathiusfeldy, Iacobum Zele, Iohannem Darabos, Iacobum et Laurentium sutores, Anthonium Okos, Blasium Fenyew, Thomam Molinar, Paulam Cholth, Iacobum Halaz, Benedictum Chapo, Georgium sutorem, Anthonium Baga, Iohannem Balogh, Blasium Rufum, Emericum, filium Nicolai, Iohannem fabrum, Anthonium carnificem, Benedictum, Anthonium, Briccium Allethe, Benedictum Geeche, Martinum Iazy, Blasium Keuer, Georgium, filium Ladislai, Vincentium, Stephanum Ihe, Paulum Thymar, Georgium Feyer, Mathiam Hamar, Andream sutorem, Georgium Saagh, Iohannem Kapus, Georgium Thar, Barnabam, Blasium Keueer, Georgium Isak, Iohannem Molnar, Blasium Pach, Ladislaum, Stephanum, Petrum Chapo, Nicolaum, filium Blasii, Paulum Fyntha, Thomam, filium Blasii, Petrum Therekes, Iohannem Baga, Andream Gymolth, Iohannem Bordo, Petrum sartorem, Michaelem Fyntha, Albertum sartorem, Benedictum Theryekes, Bartholomeum, Gregorium carnificem, Iacobum Gyarmath, Thomam, filium Michaelis, Michaelem, filium Augustini, Benedictum Isak et Paulum, iobagiones in predicta possessione Pathone conmorantes quasdam metas possessionis eorumdem abbatis et conventus Kayar vocate per araturas dispergi et aboleri ac inter limites metarum ipsorum quandam terre particulam prope Zeskwth situate et ad predictam possessionem ipsorum abbatis et conventus Kayar spectantis perarari, hiis non contenti circa festum Beati Michaelis archangeli, similiter in anno proxime transacto preteritum, [1435. szept. 24.] eandem terre ipsorum particulam, modo quo supra prius peraratam, per pretactos iobagiones eorum in predicta Pathona conmorantes possessionem ad eandem occupari, applicari et denuo perarari ac seminari fecissent potentia mediante in preiudicium et dampnum prefatorum abbatis et conventus valde magnum. Que sic facta fore exhibitionibus quarumdam duarum litterarum inquisitionalium, unius capituli ecclesie Iauriensis et alterius vicecomitis et iudicum nobilium comitatus Iauriensis sub uno sensu et forma verborum in diversis terminis emanatarum domino nostro regi ad sua regia litteratoria mandata rescriptarum declarans, eisdem abbati et conventui ex parte prefatorum in causam attractorum per nos in premissis iuris equitatem petivit impertiri.||
Quo audito Thomas de Thakachy pro annotatis nobili domina relicta ac Gaspar, filio condam Stephani Chwpor, cum procuratoriis litteris capituli Chasmensis in nostram exurgendo presentiam respondit ex adverso, quod iidem domina et Gaspar in totali premissa actione et acquisitione dictorum abbatis et conventus innocentes essent penitus et immunes; ex parte autem talium iobagionum, qui sub nomine et potestate ipsorum ac aput eosdem ad presens habentur, in termino ulteriori per nos eis dando iudicium et iustitiam facere et impendere promti (!) essent et parati. Et quia procurator partium prescriptarum easdem in premissis ad ampliorem conprobationem nobis legittime requirentibus non conmittebat, sed eis in premissis iuxta preexhibitarum duarum litterarum inquisitoriarum vigores per nos iudicium dari petebat, pro eo hiis perceptis iudicando conmisimus eo modo, ut prefati nobilis domina relicta et Gaspar, filius condam Stephani Chwpor, quinquagesimo se nobilibus, quilibet videlicet eorum vigesimo quinto se octavo die festi Beati Georgii martiris nunc venturi [1437. máj. 1.] coram capitulo ecclesie de Posoga super eo, quod ipsi in totali premissa actione et acquisitione dictorum actorum innocentes sint et existant penitus et immunes, sacramenta prestare et tandem vigesimo die dicti festi Beati Georgii martiris [1437. máj. 13.] iidem domina et Gaspar aut officiates vel villicus eorum ex parte prescriptorum iobagionum, qui sub nomine et potestate ipsorum ac aput ipsos ad presens haberentur in dicta possessione Pathona coram uno iudice nobilium comitatus Vesprimiensis, quem serie presentium illuc accedere petimus, eisdem domino abbati et conventui iuxta regni consuetudinem in premissis iudicium et iustitiam facere et impendere et post hec ipsarum iuramentalium depositionum ac iudicii et iustitie inpensionis series partes in litteris memorialibus capituli ecclesie de Posoga ac vicecomitis et iudicum nobilium dicti comitatus Vesprimiensis ad octavas dicti festi Beati Georgii martiris legittime perdurandas nobis reportare teneantur. Datum Bude, quinquagesimo sexto die termini prenotati, anno Domini millesimo quadringentesimo trecesimo sexto. [1436. nov. 30.]