Nos Sigismundus, Dei gratia Romanorum imperator semper augustus ac Hungarie, Bohemie, Dalmatie, Croatie etc. rex, damus pro memoria, quod instrumentalem exhibitionem, quam frater Michael, abbas de Beel, pro quo Benedictus de Wazol cum procuratoriis litteris capituli ecclesie Albensis astitit, contra Sandrinum, filium Georgii, filii Petri, de Bere, pro quo Georgius de Karad, ut dixit, puero sine litteris procuratoriis comparuit, iuxta continentiam litterarum condam magnifici Mathius de Palocz, dicti regni nostri Hungarie palatini prorogatoriarum super factis in litteris eiusdem adiudicatoriis eo tempore, quo ipse Mathius palatinus honorem iudicatus curie nostre gessisset, emanatarum contentis in octavas festi Epiphaniarum Domini [1437. jan. 13.] ex transmissione domini Georgii archiepiscopi Strigoniensis iudicis in causis in presentia palatinali vertendis usque presentem novi palatini per nostram maiestatem constituti cum altero iudicio trium marcarum facere tenebatur coram nostram personalem presentiam, quia de etate et rerum natura existentia annotati Sandrini, filii Georgii nobis, certitudo veritatis non constabat, pro eo ad octavas festi Beati Georgii martiris nunc venturas [1437. máj. 1.] in eandem nostram personalem presentiam duximus prorogandam eo modo, ut tunc annotatus Georgius de Karad vel aliquis ex proximis eiusdem Sandrini eundem coram nostra personali presentia statuendo causa in premissa agere debeat et teneatur; quia autem idem abbas iudicium unius marce nunc parti adverse persolvere debens non persolvit, ideo octavis in eisdem cum duplo persolvere teneatur. Datum Bude, quadragesimo sexto die termini prenotati, anno Domini MoCCCCoXXXVII, regnorum nostrorum anno Hungarie Lo, Romanorum XXVII, Bohemie XVII, imperii vero quarto. [1437. febr. 27.]