Serenissimo principi domino Sigismundo Dei gracia Romanorum imperatori semper augusto ac Hungarie, Bohemie, Dalmacie, Croacie etc. regi, domino ipsorum gracioso conventus monasterii Sancti Martini Sacri Montis Panonie oraciones in Domino debitas ac devotas cum perpetua fidelitate. Litteris vestris annualibus ad inquisiciones, evocaciones, prohibiciones et ad omnia alia, que in talibus processibus iuxta regni consuetudinem de iure fieri consueverunt facienda pro religioso viro, domino fratre Michaele, abbate et conventu monasterii Beati Maurici martiris de Beel per anni circulum graciose datis et concessis nobis loquentibus suprema cum obediencia receptis, iuxta quarum continenciam una cum Benedicto de Chatar, homine vestro in prefatis litteris vestris annualibus inter alios homines vestros conscriptos expresse nominato nostrum hominem, videlicet religiosum virum, fratrem Iohannem sacerdotem, unum ex nobis fratribus conventualibus ad infrascriptam inquisicionem faciendam nostro pro testimonio duximus destinandum, qui tandem exinde ad nos reversi nobis consona voce retulerunt, ut ipsi in festo Conversionis Beati Pauli apostoli proxime preteritum in comitatu Vesprimiensi procedendo ab omnibus, quibus decuisset et licuisset, videlicet a vicinis et commetaneis ac nobilibus talem scivissent veritatem, quomodo Benedictus Poka, Petrus Challokwzy, Franciscus Ihasy, Nicolaus Kontus, Dyonisius vilicus, Stephanus Paro, Blasius Odoskay, Georgius Zekel, Stephanus Azonfalvay, Iacobus Beby, Michael Paly, Paulus Challokwzy, Michael Magnus, Elias vilicus, Valentinus Zeker, Marcus Magnus, Petrus Sclavus, Emericus filius Dyonisii, Dominicus Takachy, Lucas Bodug, Thomas*lj*1**lj* Sany, Iacobus Paly, Iohannes Kazdag, Iacobus Kazdag, Blasius Besene, Emericus Nyr [...], Paulus Magnus, Blasius Illewfolvay, Lucas Borsosgyry, Demetrius filius Agustini, Egidius Thakachy, [...] vilicus, Georgius Magyar, Benedictus de Matehaza, Paulus Helges, Cosmas Rufus, Gregorius Zebek, Anthonius Genchi, Matheus Genchi, Gregorius Biro, Iohannes filius Laurencii, Michael filius eiusdem, Petrus frater eiusdem, Benedictus Gywlay, Lampertus similiter Gywlay, Paulus ZenthIwany, Valentinus et Michael filii Cosme, Lucas Chapo, Stephanus filius eiusdem, Mathias Symegh, Blasius filius Iohannis Timar, Georgius Sartor, Thomas Claudus, Stephanus filius eiusdem, Laurencius filius eiusdem, Mathias Chazar, Paulus frater eiusdem, Iohannes Porkolab, Paulus Chapo, Georgius Genchy, Lucas filius eiusdem, Iohannes frater eiusdem, Albertus Chapo, Emericus filius Symonis, Paulus Iuro, Iohannes Molumsuky, [...] Briccius frater eiusdem, Gallus Bense et Franciscus Sclavus iobbagiones reverendissimi in Christo patris domini Clementis, episcopi ecclesie Iauriensis in possessione Vazar commorantes ex speciali commissione Iohannis de Zemere officialis eiusdem domini episcopi in dicta Vazar officiolatus, feria secunda proxima post festum Beati Clementi pape ac aliis diebus subsequentibus manibus armatis et potenciariis su[...] octoaginta curribus vel citra ad quendam silvam prefati domini Michaelis abbatis et conventus ad possessionem Koppan pertinentem veniendo, eandem in magna sui parte succidissent et ligna succisa per dictos currus eorum deportari et ad dictam possessionem Vazar deduxissent potencia mediante in preiudicium dicti domini abbatis et conventus valde magnum. Datum quinto die termini prenotati, anno Domini millesimo quadringentesimo tricesimo septimo.