Nos frater Michael, divina miseratione abbas ecclesie Sancti Mauritii de Beel Bakoniensis, memorie conmendamus, quod nos quandam sessionem seu fundum curie in possessione ecclesie nostre in Vasol existentem, in quo condam Georgius dictus Toswky iobbagio noster morabatur, ipso mortuo eandem curiam cum molendino in eadem curia existentem ac terris arabilibus, pratis, silvis, nemoribus ac aliis utilitatibus ad eandem curiam expectantibus providis viris Sebastiano, Gregorio et Iohanni, filiis Anthoni, de Chicho dedimus ita, quod nobis et ecclesie nostre iobbagonialiter et fideliter serviant sub tali conditione, quod in festo Sancti Michaelis archangeli [1438. szept. 29.] quinquaginta denariorum et in festo Sancti Georgii martiris [1438. ápr. 24.] similiter quinquaginta denariorum annuatim pro censu teneantur solvere ac munera, sicut alii iobbagiones ecclesie nostre tenentur solvere, ita et ipsi teneantur; taxas etiam, quod vulgariter hostorado vocatur, ipsis relaxavimus; hoc etiam adiecto, quod, si plures homines se inibi moraturos advenerint, tunc terras arabiles ac alias utilitates predictum fundum seu curiam concernentia cum eisdem dividere teneantur; hoc etiam declarato quod, si ipsi in processu temporum vineas in facie eiusdem possessions ecclesie Vasol emerent vel emere possent, tunc ipsi cum muneribus consuetis ac proventus (!) vinee nobis et ecclesie nostre teneantur solvere. Super quo presentes litteras nostras sigillo nostro consignatas predictis concessimus. Datum in Beel, in domo habitationis nostre, sabbato proximo post festum Beati Mathie apostoli, anno Domini millesimo quadringentesimo tricesimo octavo. [1438. márc. 1.]