Reverende et religiose domine frater noster et semper dilecte. De omnibus bonis favoribus et fraternitatibus nobis exhibitis grates magnas refferimus et saltem nunc et hinc egregio domino Emerico, filio Hym, exhibendis, quia ipse est pro honore domus nostre non sicut et alius perversus et maledictus, cui nunquam hospitium dare velitis, nec permittere manere in possessionibus vestris, si vultis nobiscum manere cum bona fraternitate et dilectione et nostram facere voluntatem. Qui, ut intelleximus, misit apud vos reliquias nostras et litteras ac litteralia instrumenta per ipsum maledictum Laurentium furtive sub amissione fidei sue Christiane de castro nostro exportatas eidem et isti fratri nostro Emerico Hymfy reddere et restituere velit fraternitas vestra, prout et nos confidimus in eadem et non placeat iura nostra et litteras et litteralia instrumenta fratemitati vestre conservare, quia, ut plurimum indigemus pro defensione et persecutione iurium nostrorum. Cetera dicet Emericus Hymfy, frater noster, cui, crederem, fidem velit adhibere fraternitas vestra uti et nobis. Quae valeat ad vota. Ex Saxardia, in festo Beati Benedicti abbatis, 1469. [1469. márc. 21.]||
Thomas de Debrenthe Episcopus ecclesie Nytriensis.||
[Cím]: Reverendo et religioso domino fratri Ladislao abbati de Beel, fratri nostro et amico semper caro.