Alexander episcopus, servus servorum Dei, dilecto filio Matheo Taolna abbati monasterii Sancti Martini Sacri Montis Panonie Ordinis Sancti Benedicti Iauriensis diocesis, salutem et apostolicam benediccionem. Summi disposicione rectoris ad regimen venerabilis ecclesie deputati curis assiduis angimur et continua meditacione pulsamur, ut opera et operam, quantum nobis ex alto conceditur, efficaces impendamus, quod orbis ecclesie et monasteria universa pastorum regiminibus destituta per nostre providencie ministerium viris committantur idoneis, qui sciant, velint et valeant ecclesias et monasteria ipsa eis commissa in spiritualibus et temporalibus studiose regere et feliciter gubernare. Sane monasterio Sancti Martini Sacri Montis Panonie Ordinis Sancti Benedicti Iauriensis diocesis, quod per clare memoris Stephanum Ungarie regem fundatum extitit, certo modo abbatis regimine destituto, nos verum et ultimum dicti monasterii vacacionis modum pro expresso habentes ac ad provisiorem ipsius monasterii clerem et felicem, ne monasterium ipsum longe vacacionis exponatur incommodis, paternis et solicitis studiis intendentes post deliberacionem, quam de preficiendo eidem monasterio personam utilem et eciam fructuosam cum fratribus nostris habuimus diligentem, demum ad {te clericum Quinqueecclesiensem, cui de religionis zelo, vite ac} mundicia, honestate morum, spiritualium providencia et temporalium circumspeccione aliisque multiplicium virtutum donis fidedigna testimonia {perhibentur} et quem hodie per quasdam in monachum et in fratrem dicti monasterii recipi, eiusque regularem habitum iuxta ipsius monasterii consuetudinem exhiberi et a quo professionem per monachos eiusdem monasterii emitti solitam recipi et admitti mandavimus ac cum quo, ut usque ad tres menses eciam habitu regulari non suscepto et professione regulari non emissa dicto monasterio in abbatem prefici et et preesse valeres, per alias nostras dispensavimus, direximus oculos nostre mentis, I profiti quibus omnibus debita meditacione pensatis de persona tua nobis et eisdem fratribus nostris ob dictorum tuorum exigenciam meritorum accepta eidem monasterio de fratrum eorundem, consilio apostolica auctoritate providemus, teque illi in abbatem preficimus, curam, regimen et administracionem ipsius monasterii tibi in spiritualibus et temporalibus plenarie committendo firma spe fiduciaque conceptis, quod monasterium ipsum per tue circumspeccionis industriam et studium fructuosum gracia Domini tibi assistente propicia regetur utiliter et, prospere dirigetur ac grata in eisdem spiritualibus et temporalibus suscipiet incrementa. Quocirca discrecioni tue per apostolica scripta mandamus, quatinus curam, regimen et administracionem huiusmodi sic solicite geras et fideliter prosequaris, quod monasterium ipsum gubernatori provido et fructuoso administratori gaudeat se commissum, tuque preter eterne retribucionis premium nostram et dicte sedis benediccionem et graciam exinde uberius consequi merearis. Datum Rome apud Sanctum Petrum anno incarnacionis dominice millesimo quingentesimo, quarto decimo Kalendas Octobres [1500. szept. 18.]. Pontificatus nostri anno nono.