Nos Georgius de Hwzzwtoth vicecomes et iudices nobilium comitatus Wesprimiensis, sedis Wassarhel, memorie commendamus, quod, cum nos ad instantiam et legittimam petitionem venerabilis et religiosorum conventus de Bakon Bel Matheum Gergfy de Chygle, unum ex nobis iudicem nobilium, ad infrascriptam citationem faciendam de sede nostra iudiciaria nostro pro testimonio duxissemus destinandum; qui tandem exinde ad nos reversus retulit isto modo, ut ipse feria quarta post festum Beati Laurentii martiris proxime preteritum [1505. aug. 13.] accedendo ad possessionem Nagdem, ibique nobiles Stephanum Repasy et Leonardum de Nagdem portionibus suis possessionariis Nagdem vocata in comitatu Wesprimiensi existenti habitis et per eosdem providos Barnabam Chapo, Benedictum Parvum, Bartholomeum Weres, Gallum Somogy, iobagiones suos in dicta Nagdem commorantes statuere committendo contra prefatum conventum exponentem ad feriam quintam sedis nostre iudiciarie nunc venturam nostram citasset in presentiam litis pendentia, si qua foret inter ipsos, non obstante. Datum feria quinta proxima post festum Beati regis Stephani, anno Domini millesimo quingentesimo quinto. [1505. aug. 21.]||
[Hátán széljegyzet:] Pro a(ctore) Paulus Chepely cum Sancti Martini, pro i(n causam attractis) per Parvum (?) petit inquisitionem.