Coram vobis, reverendis patribus et dominis Caspare de Nagoch, canonico ecclesie Wesprimiensis, et Iohanne de Buda, antedicte Wesprimiensis ecclesie eciam canonico, cause et causarum parciumque infrascriptarum apostolicis iudicibus et commissariis, prout lacius et clarius super modo et forma in actis huiuscemodi cause et causarum, ad que relacio habeatur, liqueret, propterea procurator et eo nomine reverendi patris et domini, domini Thome episcopi, ex dispensacione apostolica legittimi commendatarii monasterio de Thykonyo ordinis Sancti Benedicti, Wesprimiensis diocesis et in et adversus religiosum virum magistrum Matheum abbatem, se pro abbate sive archiabbate monasterii Sancti Martini Sacri Montis Pannonie dicti ordinis gerentem, aut quamvis aliam personam, legittime pro eo in iudicio comparentem, dicit agi et gravi cum querela coniunctim et divisim et alias omni meliori via, modo, forma iuris et causa, quibus dici et esse potest in iure, proponit, quod quamvis prefatus Thomas episcopus et commendatarius, ut supra, Matheo prefato de iure minime subesse creditur, neque alias eidem Matheo occasionem aliquam iustam prestiterit, unde in eum merito ita malignare et sevire debuit, nichilominus Matheus prefatus, religiosis zelo, pietate et karithate contemptis, armisque clericalibus, que sunt lacrime et oraciones, preterpositis, laicorum secularium moribus et facinoribus se inmiscens, per insidias et onmi mala arte Thomam episcopum prefatum impie insequi ad detinendum et captivandum fecit et procuravit. Unde pauperem episcopum senem, vite et conversacionis laudabilis, ne in manus et potestatem Mathei, in eum frementis, deveniret, opportuit se eciam conductis ad id hominibus tueri et sic iram dicti Mathei evitare in gravem iniuriam, dedecus et scandalum dignitatis ipsius episcopalis et persone sue detrimentum et confusionem, que pro florenis mille pati noluisset neque vellet in presens, salvis florenis ducentis et ultra, quos pro sui tuicione, ut supra exponere necesse habuit. Insuper et alias idem Matheus principis secularis contra eundem episcopum favore quesito et amicicia regia usus episcopum prefatum hinc-inde peregrinare adegit, usque eum ad castrum Sancti Martini reduxerit, in eademque sua sevicia et fremitu persistens, ad conventum Thyconiensem, laicis eum comitantibus compluribus, venit et ibidem litteris et favore secularis principis usus ostensoque ad eum terrendum regio precepto, episcopum prefatum, ut sibi placuit, taxavit, turbavit et confundit conventusque Thyoniensis devocionem miro modo turbavit, dignitatis episcopalis, ecclesiasticarum dignitatum maioris, nullum respectum habens, in eisdem, ut supra, episcopalis dignitatis ipsiusque episcopi et persone sue contemptum et vilipendium, iniuriam et scandalum, que pro aliis (mille) florenis pati noluisset neque vellet in presens, salvis eciam aliis damnis, expensis et interesse premissorum occasione secutis necnon et aliis penis contra episcoporum persecutores a iure influxis.||
Quare reverendi patres et iudices equissimi petit dictus procurator et eo nomine per vestram paternitatem dici, decerni, declarari et pronunciari premissa omnia et singula facinora per prefatum Matheum contra dictum episcopum eo modo, quo supra, acta et perpetrata fuisse et esse iniuste, inique et temere acta ct perpetrata, eundemque Matheum in prefatis pecuniarum summis, salva per paternitatem vestram iusta taxacione prefatorum facinorum occasione et aliis a iure contra legittimis episcoporum persecutores influxis penis reliquisque damnis, expensis et interesse condemnandum fore et condemnari ... humiliter implorando. Salvo iure addendi, minuendi, corrigendi ... Et premissa dat et exhibet et similiter petit dictus procurator ...