Nos Albertus de Nylka episcopus Sebastensis ac prepositus ecclesie Iauriensis, Nicolaus de Ghalaocz, archidiaconus Papensis, Anthonius de Kayar et Iohannes de Thwr, canonici dicte ecclesie Iauriensis, necnon Stephanus Amade de Warkon, magister Albertus de Nadasd, director causarum regie maiestatis, Franciscus Hosthy de Azzonfalwa, Iosa de Chep et Iohannes Chege de Barathy ex unanimi voluntate reverendi domini Mathei abbatis et conventus monasterii Sancti Martini Sacri Montis Pannonie ab una, ac venerabilis Helie prepositi de Chorna ex altera partibus, in causa et causis ac universis differenciis partes inter ipsas hocusque quomodocunque et undecunque motis iuxta amicabilem ordinacionem et commissionem reverendissimi in Christo patris domini Ladislai, Dei et apostolice sedis bracia episcopi ecclesie Waciensis, secretarii cancellarii domini nostri regis etc. electi arbitri fatemur et recognoscimus per presentes, quod nos die datarum presencium de ipsarum ambarum parcium voluntate in possessionem Nagh Barathy vocatam in comitatu Iauriensi habitam, domumque providi Iohannis Bakon congregati fueramus, ubi prefati dominus Matheus abbas cum certis fratribus, cum sufficienti mandato ipsius conventus ab una ac Helias prepositus personaliter coram nobis comparentes universas causas et differencias inter sese quomodocunque motas proponentes, per modum arbitrii et iudicii complanare et iuxta ordinacionem ac commissionem ipsius domini episcopi partes inter easdem sopire et conplanare volentes quamvis prefatus dominus Matheus abbas cum suo conventu universas causas et differencias tam per modum amicabilis composicionis et ordinacionis, quam eciam per modum arbitrii et iudiciarie deliberacionis et revisionis manibus nostris concludendas, finiendas et determinandas submiserat, universisque nostris quibuscunque legitimis ordinacionibus paratum se offerebat, tamen annotatus dominus Helias prepositus nulla alia via seu alio ordine nisi absque omni iudiciarie deliberacionis nostre revisione ipsos dominum abbatem et conventum satisfaccionem compelli debere volebat.||
In cuius testimonium iuriumque ipsius domini abbatis et conventus pro defensione presentes literas nostras munimine sigillorum nostrorum consignatas duximus concedendas. Datum in dicta possessione Barathy in festo Sancte Dorothee virginis et martyris, anno Domini MDXXI. [1521. febr. 26.]