Ich Margret hern Hainreiches witib von Swechent vergich und chu^ent allen, den die disen brief lesent oder ho^erent lesen, di nu lebent oder hernach noch chu^enftich werdent, daz ich verdachtem mu^et und gu^etem willen ze den zerten do ich ez wol getu^en macht ledichleich und lauterleich durcht got geben handen erbern gaistleichen herren den pruedern ze Prukk sant Augustins orden mein holtz auf dem Hungerschen an dem Leitachperig, daz mir an rechtem tail ist vorden von meinen chinden, do wir tailten mit rechter fw^ezicht umb mein morgengab und mein anerstorbens gu^et, daz mich von meinen vodern an gevallen, waz und pey dem tail vorden unser pest friunt meiner chint von dem vater und daz wegenant holtz als ez gelegen ist han ich den egenanten hern geben als ich vor vergich umb ainen ewigen iartag mir und meinem wirt hern Hainreich von Swechent dem got genad meinem pru^eder hern Pilgrein von Puegen und allen unsern vodern und den iartach so^ellen si legen dez naechsten maentags nach den chotempern an der vasten dez nachtes mit der vigili und dez morgens mit der sel mess ez so^ellen auch di selben gaistleichen hern auf den selben tak zawy¹ phunt wachs ze kerczen machen, di dez nachtes prinnen ze vigili und dez morgens ze der sel mess und so^ellen auch machen dreyzich chlain ew liecht di man prinn an underlos ze dreyzich messen di si selb sprechen und daz di herrn dester williger sein so sol der prior dez chlasters wer er dann ist drey schilling phenning geben igleichem priester drey pfenning hincz daz die mess ein end nement. Ich han in auch gegeben ein fw^eer¹ weins zu^e dem vor genanten holtz, daz iren¹ in auf gib und antwrt¹ fu^er ain ledigs gu^et daz auf nieman ze sprechen hat und dar umb so^ellen auch haben ein ewigs liecht daz tag und nacht prinn vor dem alter do unsers hern leichnam auf stet ob awer daz waer daz si dez nicht entrieten¹ sein vor geschriben stet, so sol daz holtz wider an uns gevallen und auch ir aigen weingarten der da ligt ze fw^e1 holtz der da gewesen ist der preinau^esslum¹ und daz mag ich oder mein erben dann geben auf ein ander gotthaus und daz daz staet beleib gib ich in disen brief versigelt mit meinem aigen insigel und mit meins pru^eder insigel hern Pilgarims von Puegen der der sach zu^eg ist und ander frum laut genu^eg daz geschah nach Christes gepurt driwzehen hundert iar und in dem driw und fu^enfzigisten iar an dem abent unser frawen ze liechtnuss.