XXXVI. De eyne dem anderen nicht to voruange sal syn. Item so is geordeneret, dat gen koepman van der Hense dem anderen to vorfangende wesen en schal in kopen efte vorkopen, vnd sunderlinges dat nemant (dem) anderen hinderlik wesen en schal myt worden efte myt daden, wanner dat he mit eniande in enem kope stände den koep to leitende.3) Vnd weret dat enich koepman van der Hense brachte in den hof euige engelsche koplude ofle andere vmme sin gud to beseende, den koepluden en schal nemant gen mistert4) maken, noch nemant en schal vmme der koeplude willen syn bolen 5) openen, noch syn werk kloppen, noch gene anderes nosynge6) maken myt anderem gude, vmme deme anderen hynderlik to wesende, synen koep darmede to leitende. Sunder weret also, dat se van malk ander gescheden weren vnd eres kopes nicht enes en werden können, so mach eyn ander den by se kamen syn beste (lo) prouen. Vnd weret sake, dat emant hirin entiegen dede vnd dat befunden mach werden, de schal geuen in de bussen XL sch. sterl. T)