XLV. Vromde lüde in de hallen to bringende. 1. Item int iar vnses hern MIIICXCV1, XXX dage in dem Meye, do wort auergedragen by dem olderman und gemenen koepraan, vp de tit to Lunden wesende, dat so vvat man van der Hense enige personen brachte in des koepmans halle, de *) in dem rechte nicht en were, de schal geuen in de bussen XX den. sterl. also dicke he darmede befunden wart, he en hebbe den orlof van dem olderman oft twe anderen van dem rechte, so verne als de olderman nicht by der hand en were. 2. Item so is ok geordeneret, dat nemant in des koepmans halle fechten en schal ofte bal slau. Vnd so we darmede befunden en wert, schal geuen in de bussen XX den. sterl.