Urkundliche Geschichte des Hansischen Stahlhofes zu London, Nr. 38, S. 215
Ceste endenture tesmoigne, que monsieur Thomas de Salesburi, chiualer, ad grauntee et lessee a Reynaud Loue, citein et peurier 2) de "Loundres, lout cel tenementz |l oiie le kav adgisaunt et oue louz les autres appartenances, que iadis estoit a Henri Combemartyn et lequel mesme celui Reynaud tient du dit monsieur || Thomas au temps de la fesance de cestes en la paroche seinl Dun- stan vers la tour de Loundres, pour avoir et tenir tout lauaotdit tenement oue le kay adgisaunt et les autres appartenances, au dit Reynaud et a ses assignez de la feste de la nativitee seint John le bap- tist, lan du regne le roi Edward tierz puis le conquest trent et neuisme, a tanques a la fin de quinze aunz adongs prochein siantz et pleinement accompliez, rendant de ceo par an a lavantdil monsieur Thomas, a ses heirs et a ses assignez vint liures de Sterling en les veilles de les festes de seint Michel larchangel, de Noel, de Pasques et de la Natiuitee seint John le baptist par eweles porcions. De quel annuel rente de vint liures auantdites le dit Reynaud ad fait gree au dit monsieur Thomas deuant meyns au temps de la fesance de cestes pour les premiers dys aunz del terme auantdit. Et neporquant le dit Reynaud et ses assignez ferront deceo par an pour le dit monsieur Thomas et pour ses heirs as chiefs seigneurs du fee et a touz autres, toates les autres seruices et charges deceo dewes et accuslumez. Et lavantdit Reynaud ou ses assignez par la vewe et lordinance du dit monsieur Thomas ou de son deputee ferront adresler et reparailler lauantdit tenement oue le kay et les autres appartenances a toutes les foiz, que meslier sera demz lauantdit terme, saunz allowance deceo a de- mander du dit monsieur Thomas ou de ses heirs par les premiers dys aunz de tout le terrae auant dit. Mes de toutes les reparations, ©harges et resolutions conuenx le dit Reynaud ou ses assignez commendront faire sur le dit tenement demz les derreins cynk aunz de tout lauantdit terme, le dit monsieur Thomas et ses heirs lour ferront dewe allowance de an en an meyntenant apres les costages faites et ceo par endenture entre eauz aftaire. Issint que en la fin de tout le dit terme lauantdit Reynaud ou ses assignez surrendront lauantdit tenement oue les appartenances en auxi bon estat ou meillour come mesme celui Reynaud le resceust, horspris veillesce et autre seu. Et le dit monsieur Thomas et ses heirs tout lauantdit tenement oue le kay et oue touz les autres appartenances au dit Reynaud et a ses assignez encontre toutes gentz garantiront pour tout le terme auantdit en la forme susdite. En lesmoignance de quele chose les parlies auantdites a cestes endentures ont mys lour seals entrechangeablement. Donne a Loundres, le mardi en la feste de la natiuite seint John le baptist, lan susdit.
') lieber die Lage dieser Gebäude siehe Abteilung I. § 5. - > Peurier, von piper, Pfeffer; fran
zösisch epicier, englisch groeer.
22 1369. — 1383, Februar 17.
Urkundliche Geschichte des Hansischen Stahlhofes zu London, ed. Lappenberg, 1851 (Google data) 38, in: Monasterium.net, URL </mom/HansischerStahlhof/b212d893-1aed-4ec3-9d8b-433aace8eabe/charter>, accessed at 2024-04-28+02:00
The Charter already exists in the choosen Collection
Please wait copying Charter, dialog will close at success