CCXLIV. Friedrich Vogt und Herr zu Hunolstein wird des Grafen Johann von Spanheim Vasall für 200 Goldgulden. 1344 November 12. Ich Friderich Voit vnd Herre zu Hunoltzsteyn dun kunt allen luden, dy dyesen breif gesehent odir horent leisin vnd herkennen mich vffincligge an dye- seme breife, das ich bin Man worden zu Eyme Edeln Manne Herrn Johanne 199 grefe vnd Herre zu Spanheim, vmbe zuey hundert clyner gulden van golde bit Einander vnd samentligge zu bezalen vnd hait mich bewist alre Jarlichs zu be- zalen vf sente Walpurchdach alz der mey angeit zuenzich clyne gulden van gokle, odir he mir neit vf den vurgen. dag bezalde dy vurbenante zuenzich clyne gul den, So hait mir myn vurben. Herr herleuf vnd georlof ane alle synen zorn an syne pende zu gryfin vnd zu nemin vnd in syne vesten zu dryfin oder in dy myne vnd myn gelt van den penden zu machin, so waz schaden dan Ich dys lede dys sal mir min Herr vurgen. mynen siechten worten geleufen vnd sal mir schade vnd hoifgelt rechten. Vort so wanne daz mir myn Herr myn gelt dy zuey hundert gulden bit Einander vnd samencligge vol bezalt hait, So sal ich En bewysen oder dy sine vf myn gerechte Eygin guyt zuenzich pont heller; alre ley argelist vnd geuerde vys genomen. Vmb daz ich keyn Incgesygil en hayn, So han ich mynen bruder Herrn Gherarde dyn Voit vnd Herrn zu Hunoltz- steyn gebeden, daz er syn Incgesygil an dysin breif henke zu stedigeit alre dyser vorworte, dy in dyseme breife steint bescrifin. Vnd Ich Gherart voit vnd herre zu Hunoltzsteyn vam geheis vnd bede willen Friderichz mynes bruders henke myn Incgesygil an dysin breif zu vrkunde alre dysir vorworden. Dysir breif wart gegefin na Cristus geburde dusint Jar druhundert vnd veir vnd veirzich Jar dys vridages na sente merteins dach dys heyligen büschafz. Orig. pcrg. ohne Siegel im Pr. Arch. zu Coblenz.