CCXLI. Schiedsspruch in dem Streite des trierischen Domkapitels mit Gerhard und seinen Brüdern Vögten von Hunolstein über den Hof zu Emmel. 1343 (1344) März 6. TV^ir Gotfrid von Brandenberg Korbischof in deme stifte zo Triere und Colin schultheis zü Witlich, ratlude und sûnlude, erkorn eyndrechtiglichen tzwus- sen deme erbern manne herrn Boemunde von Sarbrucke, korbischove dez vor- gemelten stiftes von Triere, in sinen und dez selben stiftes und dez capitels von Triere wegen uff eyne syten, und den edeln luden herrn Gerhard und sinen brudern, Voyden von Himoldestein, und ouch den strengen luden hern Johanne rittere und Dyderiche knechte, gebrudern von Schalpillich uff die. andern syten, von allen tzweyungen, erige, missehellunge und uffloufe, die sie von dez hoves wegen zo Emelde gelegen uff der Muselle, und daz vorgemelte capitel an ge horet, mit den gehovern und deme gude und daz dar zo gehoret, die der vor gemelte her Boemund in pachtes wys von deme egenanten stifte von Triere inne hat, die sie wider eyn gehabt han und sich herlouffen han biz uff disen hudigen dag, der sie ywedersyt an uns gegangen und genztlich verlieben sint, dun kirnt allen luden, daz wir sementlichen und eyndrechtiglichen dar uber gesprochen han eyne minnegliche sune. Von erst, alse von den alden guden und wingarden die daz halbscheit, dritteil oder vierteil plagen zo gebene, wie man daz vindet nù und her na und die von alders in den vorgemelten hoff gehorent zo Emelde wie sie genant sint, oder wo sie gelegen sint, sprechen wir, daz die selbe güde und wingarde verlieben und gelden sollen nû vorwerterme jerliche halbscheit, dritteil oder vierteil vorgemelt deme egenanten her Boemunde und sinen nachkomen an deme vorgemelten hove, alse sie von alders plagen zo gebene. Vortme alse von den güden und wingarden die von ruwen leyen und buschen gebrochen sint und in den vorgemelten hoff zo Emelde gehorent, sprechen wir, daz die selbe gut und wingarde den luden verliben sollen umb den pacht darumb sie yn von erst gelüwen würden. Vortme alse von deme hengeste der deme vorgemelten hern 197 Boemund von dez egenanten eriges und tzweyungen wegen genomen wart al da zü Emelde, der vor achtzig pünt Triescher penninge behalden wart, sprechen wir umb dez besten willen, daz die lude von der wegen der egenante hengest ge nomen wart, und wer ez zo schaffene hat, sechtzig phünt penninge Triescher werunge genger und geber betzalen sollen deme egenanten hern Boemunde oder wer sache von yme hat oder gewinnet, und sol die betzalunge geschien binnent der stat von Triere war der selbe her Boemund heisset oder der sache von yme hat oder gewinnet, und der selben sechtzig pünde tzwey deyl betzalen sollen uff sente Remigiis dag der nehest komet und die uberigen tzwentzig pünt von deme selben sente Remigiis dage uber eyn jar dar nach nehest volgende, und den selben hern Boemund dar vor wol sicher machen tzwuschen hie und antdages Ostern nehest komet, daz yme gnüge, oder alse mich Colin dunket daz er wol sicher sie vor die stucke. Vortme sprechin wir, daz der egenante hoff zo Emelde und daz darzo gehoret verlieben sal in friheit und in rechte, alse yn daz capitel von Triere vorgemelt van alders gehabt hat. Ouch sprechen wir, were, daz die vorgemelte lude oder yman von iren wegen die vorgemelte sune brechen oder nit enhielden alles oder eyn deyl wie wir sie da vore han gesprochen und be schrieben, so sollen die lude dez vorgemelten hoves zo Emelde vervallen sin deme egenanten hern Boemunde oder wer sache von yme hat zo richtene und zo betzalene gentzlichen alles daz da genomen ist von deme egenanten gude in der egenanten tzweyungen, und darzu die koste und schaden, die der selbe kor- bischof dar vff hat gekeret, und sal er dar zu alle sine vorderunge vor yme haben, und sollen die vorgemelten partyen korbischof und Voyde vor sich und vor die ire ywedersyt mitz disen stucken gentzlichen und gar gesetzet sin und gesünet. Welecher ouch der selber die sune nit enhielde oder breche, den mogen wir manen siner sicherheit und gelobde, die sie dar uff gedan hau uns vor unserm heim von Triere und in sinen wegen unser sprechen zo haldene von den vor gemelten stucken, beheltenisse doch uns oder wir uns irgen gesiimet hetten oder zo kürtz oder zo lang gesprochen, das wir uns des herholen mögen. Uzgeschei- den allerhande argelist und geverde an allen disen stucken und an ir yclicheme. Des zü urkunde hau wir unser jngesigele an disen brief gehangen. Dise vorge schriebene süne han wir gesprochen, und wart diser brief gegeben do man tzalte na Cristus geburde drutzenhenhundert und drü und viertzig jar, uff den sesten dag des Mertzen. Orig. perg. im Pr. Arch. zu Coblenz. 198