CCLXIII. Raugraf Wilhelm entbindet den Hugel Vogt von Hunolstein seines Leheneides und verweist ihn mit Eid und Huldigung an den Grafen Johann von Spanheim. 1350 Juni 30. AV^ir Bugraue Wilhelm enbieden dir Hugeln voit von Honoltzstein vnsern fruntlichen grusse als vnserm lieben getruwen vnd dun dir kunt, daz wir dich mit burg, lande vnd luden vnd mit allem dem daz du von vns zu lehen hast, han vort zu mannlehen geluhen dem edlen vnseren lieben nefen graue Johan von Spanheim 215 Darum verzyhen wir vf dinen eyd, also daz wir wollen vnd gebieten dir, daz du demselben graue Johan von Spanheim sweres vnd huldes vnd die vorge nannten gutde von ym zu lehen entfahes, vnd du vnd din lehenserben die von ym vnd sinen erben zu lehen haldes in aller der wys als du vnd din altvordern vnd i.arfaren von vus vnd vnsern altvordern vnd vorfaren bit an diesen hutigen tag gehabit haut, vzgescheiden allerley argelist vnd geuerde in allen diesen vor geschrieben stücken. Des zu orkunde vnd stedekeit so han wir vnser ingesiegel an diesen brief gehangen, der do gegeben wart do man zalte nach gotdis geburte dusent druhundert vnd in dem fünfzigesten jare des nehesten dages na sente Peters vnd sente Paulus der heiligen zwolfbotden dage. Orig. perg. mit Siegel im Pr. Arch. zu Coblenz. — Da dieser Aufforderung keine Folge geleistet wurde, so erliefs der Raugraf Wilhelm eine zweite ganz gleichen Inhalts d. d. 1350 an s. Marien- und Magdalenenabend. Das Original davon be fand sich früher im Hausarchiv, wo jetzt nur noch eine alte Copie davon.