(SC) In nomine domini Dei eterni et Sal[vato]ris nostri Iesu Christi anno ab incarnatione eius millesimo trecentesimo primo et septimo decimo anno regni domini nostri Karoli secundi Dei gratia Ierusalem et Sicilie gloriosissimi regis ducatus Apulie et principatus Capue Provincie / et [Forcalquerii] illustrissimi comitis, die sextodecimo [mens]is novembris quintedecime indictionis aput Salernum. Nos Jacobus de Ursone iudex civitatis Salerni, Andreas Dardanus puplicus eiusdem civitatis notarius et infrascripti testes licterati cives Salerni ad / hoc specialiter vocati et rogati videlicet Iohannes Rogerii reginus archidyaconus, Pandulfus Caputgrassus miles, et iudex Iohannes Caputgrassus presenti puplico scripto notumfacimus et testamur quod in nostra presencia presbyter salernitanus qui dicitur de Corbellis pro[curator] / yconomus syndicus seu actor religiosarum et venerabilium mulierum domine Margarite abbatisse et conventus monasterii Sancti Spiritus prope Salernum ordinis Sancti Damiani per convenienciam nomine et pro parte predicti monasterii locavit et / locationis titulo tradidit viro nobili Nicolao de Marra procuratori venerabilis mulieris domine Elisabecte abbatisse monasterii Sancte Clare de Barulo pro parte ipsius domine Elisabecte de cuius procuratione nobis constitit manifeste per quoddam scriptum / procurationis quod prima facie puplicum videbatur aput Barolum confectum ad predictam et subscriptos sufficientes secundum sui continenciam et tenorem integram terram cum casis existenctis in Barulo ( sopra: suprascripto monasterio Sancti Spiritus pertinentiis) subscriptis loco et finibus distinctis cum omnibus ad ipsam / traditionem et locationem pertinentibus et cum vice de viis suis, ea ratione ut animo et usque quo predicta domina Elisabeth vixerit, eamdem traditionem et locationem teneat et dominetur omnesque suas utilitates in ea iusta ratione faciat qualiter / voluerit et aliis illam vel ex ea locandi licentiam habeat quibus voluerit et quicquid in predicta tradiccione et locaccione a modo et usque quo ipsa domina Elisabeth, ut dictum est, vixerit ad conciandum vel reficiendum fuerit expensis ipsius domine / Elisabeth concietur vel reficiatur iusta ratione et quicquid census vel daccionis exinde a modo et usque quo ipsa domina Elisabeth ut dictum est vixerit iuste percipere vel habere potuerit totum illud sibi habeat faciendum quod voluerit / tenendum omni anno a modo et usque quo ipsa domina Elisabeth, ut dictum est, vixerit det et exolvat seu dari et exolvi faciat partibus suprascripti monasterii Sancti Spiritus propter istius tradiccionis et locacionis causam / in festo beati Mathei apostoli et evangeliste de mense septembris uncias auri duas ius vero eiusdem tradicionis et locacionis ei in alios seu alium transferre non liceat. Ipsa vero domina Elisabecth obeunte suprascripta tradiccio / et locaccio incontinenti ad dominium et proprietatem partium suprascriptum monasterium Sancti Spiritus libere revertatur faciendum quod voluerint. Exinde per contractum ipse Nicolaus procurator predicte domine Elisabecth pro parte ipsius domine Elisabecth guadiam / eidem procuratori pro parte predicti monasterii Sancti Spiritus dedit et fide ei pro illius parte posuit semet ipsum obligans ipse procurator predicte domine Elisabecth predicto procuratori predicti monasterii Sancti Spiritus et eidem monasterio ad pignorandum omnia bona predicte / domine Elisabecthe licita et inlicita sua propria auctoritate sine decreto iudicis seu iussu pretoris et quicquid pignoratum fuerit immediate sibi habeant ad faciendum quod voluerint nullo temporis spatio lege aut consuetudine me reducto minime / expectato quia sic inter eos stetit specialiter et convenit et per ipsam guadiam ipse procurator predicte domine Elisabecth obligavit eamdem dominam Elisabectham si sicut superius [scri]ptum est non adimpleverit et suprascripta vel ex eis quicquid rem con[tra] / venire aut contra dicere presumpsent componere partibus suprascripti monasterii Sancti Spiritus vel cui hoc scriptum in manu paruerit quinquaginta augustales regales et sicut suprascriptum est adimplere. Hoc autem memorandum est quam suprascripta / locaccio ideo ultra quinquennium facta est quia predicta domina Elisabecth tempore quo ingressa fuit monasterium suprascriptum Sancti Spiritus predictam domum cum iuris plenitudine predicto monasterio Sancti Spiritus obtulit et concessit et postquam a predicto / monasterio de permissu et licentia ministri generalis egressa fuit ipsam domum revocabat et dum super revocaccione facienda per eam vel non facienda fuisset inter predictum monasterium Sancti Spiritus et predictam dominam Elisabecth excut[...] / questio propter dubium et expensas ad subscriptam concordiam devenerunt, videlicet que ipsa domina Elisabecth ipsam domum in vita sua locacionis titulo a predicto monasterio Sancti Spiritus ad predictum censum teneret et ipsa obeunte domus predicta ad / predictum monasterium Sancti Spiritus liberam revertatur ad faciendum inde quod velit et scientur et expressum consensum ipse Nicolaus de Marra in nos predictos iudicem et notarium tamquam in suos iudicem et notarium cum sciret ex certa scientia / nos suos iudicem et notarium non esse, esse dicitur predicta domus cum gayfo aderenti huic domui et duabus tabulis suis existentibus ante ipsam domum subtus gayfum predictum ex parte septentrionis civitate Baroli in pictagio Cambii videlicet a duabus partibus a me / dio parete iuxta domum Francisci de Boiano, a medio castro iuxta domum Sue...? mulieris filie ipsius domine Elisabecth et iuxta via puplica. Quod autem superius inter virgulas scriptum [est legitur] suprascripto monasterio Sancti Spiritus pertinentiis. Quod ego predictus / Andreas Dardanus puplicus Salerni notarius qui rogatus interfui scripsi et meo signo signavi. (SC) Ego qui supra Jacobus iudex (ST) (SC) Ego predictus Johannes Rogerii Reginus archidiaconus testis sum (SC) Ego predictus iudex Johannes Caputgrassus testis sum (SC) Ego predictus Pandulfus Caputgrassus miles testis sum Trascrizione di Sonia Mustaro