Vom Jahre 1741. Artic. XLVI. Singularem Suae Sacrae Regiae Majestatis in Deum Optimum Maximum pietatem, et in perpetuo fideles suos subditos, ex unius et solius verae in praefatis Dalmatiae, Croatiae et Sclavoniae regnis diplomatice et articulariter stabilitae, et nulla penitus alia admissa aut tolerata servatae, atque per Apostolos et Sanctos eccle- siae patres traditae Romano-Catholicae fidei, et religionis unione prin- cipalem et summam conjunctionem animorum, atque adeo intrinsecae non tantum suae, sed et vicinarum provinciarum conservationem et felici- tatem, et hactenus expertos, et in futurum quoque indubie experturos vere maternam clementiam venerabundi agnoscunt Status et Ördines; dum erga unanimem Statuum et Ordinum Regni Hungariae, partiumque eidem adnexarum supplicationem, ad augendum verum Dei cultum, et promovendam uberiorem in dies ejusdem misericordiam et benedictionem, cleinentissime atque sanctissime annuere dignata est: ut Statuta eorundem Dalmatiae, Croatiae et Slavoniae regnorum, in favorem et conserva tionem orthodoxae religionis condita, occasione hujus diaetae confirmentur.

§. 1. Ex hac proinde Sacrae Regiae Majestatis benignissima aeque ac pientissima Resolutione, sie et unanimi Statuum et Ordinum Con- sensu et voto statuta eadem confirmantur.

§. 2. Et veluti juxta artic. 86 anni 1723, in eodemque citatos, et hicce etiam confirmatos dispositum jam esset: ut in districtu eorundem liegnorum non alii, quam Romano - Catholicam religionem profitentes, possessionis bonorum sint capaces; ita officiales oeconomici dominorum terrestrium a fide orthodoxa alieni, in antelatis regnis, administrationis quoque bonorum incapaces esse declarantur.