CXXVII.

1455. Juni 2L

Wir Bolko von gottsgnadeu herczug zcu Oppul etc. bekennen vnd thuen kunth vffint- lichen mit diesim brieffe vor allen den die en sehen horen ader leßen, das wir mit des Ersam- mes Sigmunde» Probstes von Czarnowns vnd vnser lewte vnd vndirsesen von Lichinya beyderseyt gutter willen vnd bete guttlichen vnd ewiclichen vorrieht, vnd ezwissehen en eyne volkemliche vnd ewiclic.be vorriebtuuge gemacht haben als von des Czendes twegen, den do die gnanteu vnser lewte von Lichinya flichtig seynt ken Czarnowns dem Closter vnd dem Orden Jerliehen czugeben vnd nemlichen also, wen vnser gnante lewte vnd vndirsesen doselbisten czu Lichinya breyte groschen nichten mochten gehaben So sullen sie vor yden breyte grosche flumffezen gengliche heüer geben vnd dy man do in vnserm lande czu den selbigen gcczeyten nemen wurde, vnd das dem genanten Probste vnd dem gnanten Closter vnd Orden awsrichten an alle wedirsperrunge vnd wedirredunge, vnd wen das geschege so sal em der Probost vnd das Closter doran lassen genugen, vnd auch dorumme nymmermer reden nw vnd ewielich. Des czu Orkundis vnd besser Zicherheyt haben wir vnsir ffurstlich Ingesegil an diesin brieff lassen hengen, Der do gegeben ist am Sonnobende vor Sinty Johannis des Tewffers tage Nach Christi geburt firezenhundert vnd yn dem ffumff vnd ffumffczigsten Jar, Vnd dobey seyn gewest dy woltuchtigen, Conrad Vnyeg von Jasona, Wenczel vnser Marssalk von der-Sucha, Hencze von der Coye, Bogusch von Syronyowicz, Janke von Zdiechowicz, vnd herre Johannes Lensch von Reynirschdorff vnser Schreyber dem desir brieff beffolen wart zcu schreyben.

Siegel in rotbem Wachs mit der Umschrift: sigillum. ducis. bolkonis. de. oppol. In der Mitte ein Adler auf einem Helm.