XC.

1415. Dec. 31

In Gotis namen Amen. Wir Petrus Borg von Gotis gedult Probist czu Czarnowans, vnd Anna Schidogrosyna Preyelynne, Bronika Suppreyelynne, Offka Cantrix, Barbara Custrix, Elschka Ogomka Circatrix, mit dem ganczen Conuent Bekennen vflintlich in desem brife allen den dy en seen horen adir lesen, das eyn entscheit gesehen ist czwusschin vns au eyme theyle Vnd den Erbern lauten Merten Schiwek Schultis, Maczko Cloczek, Miezko Cherzenst, Jan Pyenroschek, Pauel seyn bruder etc. des ganczen dorffis czu Sackeraw an dem andir theile, dy selben ymvoner gekofft haben das Vörwerk czu Pylchewicz, das yn vnse kirche gehorit vnd gehort hat von aldirs, das dy obgenanten Sackerer vndir sich geteylt haben das selbe Vörwerg, Do von ze dem Clostir Czarnowans gebin sullin eyn fir- dunk grosschen alle Jar ierlich zu gebin vff synthe Mertins tag vor Oppir vnd vor Synthe Petirs pfennyk, mit sulchir vndirscheit ab Pylchewicz wedir aws gesaezt worde mit lewten zo sullin dy ynwoner zu Pylchewicz gebin gleich also vi* als andir darffir, dy in vnser kirche gehoren. Auch vnschedelichin vnserm Czendin, den wir och zu Pylchewicz haben, do von vns dy besiezer alle ior ierlich gebin sullen eyne halbe mark grosschin vff den selbin synthe Mertins tag bey dem banne, den ze vns vnd vnsern nochkomligen gebin sullin. Den selbiu entscheit globe Wir Gancz vnd stete zu halden. Vnd vorbas dy obingeschreben Sackerer von vns vnd (vnsern) nochkomligen vmb dy obingeschreben sachin vmbekommert vnd vmbeswerit bleibin sullin. Des czu eynem woren bekentnisse haben wir vnsir ingesegil an desin briff gehangen. Gegeben czu Czarnowans am nesten Dynstage noch Gotis Geborte Als man schreibit dornoch firezenhundirt ior vnd yn dem sechezenden jore.

Das elliptische Siegel des Propsten zeigt dio Mutter Gottes, stehend, mit der Umschrift: f s. prepo- siti. domus. dei. alias, czarnowans.