CXI.

1433. Nov. 19.

In Gotis namen amen. Zu eynem ewigen gedechtnis. Wir Bolko von gotis gnoden her- czog zu Oppoln etc. Thun kunt mit desem brieffe .allen den dy desin briff lesen horen adir lesen, offinlich vnd bekennen, das vor vns komen ist Hedwig Pyorwnynne vnd hot bekant, das sy vorkoft hot recht vnd redlichen fier huben freyes erbis zu Mchnicz gelegen in vnserm Oppelisschem gebite, dy an sy von erem rechten angebornen bruder Jan Pyornug seligis gedechtnis angestorben sint, vmbe firczen marg grosschen behmisscher moncze polnisscher czal Cleyn Mertin von Gumprechtsdorff, dy her ir mit gereytem gelde gancz vnd gar beczalt hat. Des hat dy obgenante Hedwig dem egenanten Cleyn Merten, seynen elichen noch- komligen vnd nesten dy obgenanten lir huben vorreicht recht vnd redlichen mit allen vnd iczlichen herscheften notczen gnissen vnd zugehorungen wy dy mit sunderlichen worten benant sint adir benant mochten werden, keyns ausgenomen, also lang weit vnd breit, als dy von alder in erin greniczen vmbfangen vnd vmbegriffin haben Mit allen furstlichen rech ten noch'lowte der alden briffe dy sy dorobir haben, Zuhaben, zuhalden, zuuorkoffen, zuuorsetczen, zuuorwechsil vnd zuuorkommirn, erplich vnd ewiclich zubesitczen, Domete tun vnd lossen vnd an eren notcz des besten Zuwenden, So is dem obgenanten Cleyn Mer ten, seynen erben vnd elichen uochkomligen allirbeste were bedunken, Ydach, das her mit seynen erben, elichen nochkomligen vnd nesten das do freyer seyn moge vnd sitczen von allir beswerunge, arbeit, powoz, hulffegelt vnd dinste von vns vnd vnser n nochkomenden fursten zu Oppoln, Sal her vns alle ior ierlichen czinsen eyn halb schok of Martini, vnd so her das gegeben, sal her allir andir beswerunge frey vnd ledig seyn, wie man dy mit sun derlichen worten benennen vnd erdenken mochte Vnd bestetigen solchin kowff vnd vor- reychunge in craft desis briffis Der gegeben ist zu Oppol an sandte Elyzabeth tage. Noch Crists gebort firczenhundert vnd dornach in den dreyundreysigsten Joren. Do bey sint gewest dy Ersamen vnd waltochtigen George Drazkc houptman vnsers alden hausis, Nico laus Schaffir, Wischke Czambor, Petrke Parsnowsky Thomke von Fredland, Janke Lanka, vnd Thomas Daberer dem desir briff wart befolen.

Kleines, sehr undeutliches Siegel in rothem Wachs, an hellblauer und hellrother Seide, die Umschrift lauten: S. bolkonis. ducis. de. opol.

119