Nr. XV.

D. d. Dimin 1228.

In nomine sancte аc indiuidue trinitatis. Wartizlaus dei gratia dux Slauorum omnibus, ad quos presens scriptum peruenerit, salutem in uero salutari. Quoniam inter opera karitatis largitio elemosinarum precipuum locum noscitur optinere, summopere nobis studendum est, ut, qui carnis seducti fragilitate incessanter delinquimus elemosinarum largitionibus, prout diuina dementia inspirauerit, crimina diluere satagamus; vnde, rebus transitoriis celestia mercari cupientes, pie recordationis patris nostri Kazemari uota nullatenus irrita fieri uolumus, sed que adhuc uiuens deo et ecclesie beati Martini in Polchowe eterne mercedis intuitu deuote promiserat, nos hortatu et instantia uenerabilis patris nostri Conradi Cami- nensis episcopi, nec non et aliorum nobilium humili prece conmoniti, implere sanum duximus. Itaque uillam, que Priberaze dicitur cum omnibus attinentiis, silicet agris, pratis, siluis, deo et predicte ecclesie beati Martini in Polchowe iure per petuo cum omni libertate irretractabiliter contulimus, ut et anima patris nostri ex hac donatione per merita beati Martini pereipiat consolationem et nos a deo

gratiam et bendictionem. Volentes igitur hanc nostram donationem haberi perpetuis temporibus inconuulsam, ipsam nostris litteris et sigilli munimine dignum duxi- mus roborari et episcopi tunc presentis rogauimus banno confinnari. Testes: Pribezlaus prepositus Caminen s is, Robe rtus prepositus Diminensis, Heinricus plebanus, Dobezlaus, castellanus Mirozlaus, Dobimarus, Andreas tribunus, Sifridus. Datum anno domini M°CC°XX°VIII°. Actum in Dimin publice.

Auf Pergament in einer engen, fetten Minuskel mit verlän gerter Eingangsformel. An linnenen Fäden hängt ein Siegel, wie an Nr. VIII.