(Nach dem Copiar. — Abgedruckt im Hodcnberger Urkundenbuchc, 1858. Urk. !70,)

Vor alle den ghennen de dessen breff zeeth vnde höret lezen Bekenne wij hinrik vnde Lutherd brodere gheheten van hudenberge dat wij myd willen vnde vulbort al vnfer rechten eruen verkofft hebbet vnde vorkopet in dessem breue gheseken geheten de Eyselvinckeschen vnde Aleken cre dochter de vns egene albus lange gewesen hebbet Den erwerdigen luden Proueste priorende vnde deme ghansen Conuente des closters to Walsrode vor teyn bremer mark de ik hinrik scholde vthe geuen Hebben vor Hillen mine dochter de dar prouene hefft Vnde latet en desse vorscreuene lüde vnde wad dar van on kamen mach in vre eghentliken besittinge vndc were vnde wil on der vorbenomeden vnde wad van on komen mach rechte warende wefen wan on des nod is vnde ze dat van vns eschen Vnde louet on dat in truwen myd summender Hand vnuorbroken to holdcnde Vnde hebbet des to tughe vnse rechten Jngesegele gehangen laten in dessen breff Vnde wij Bode vnde Thomas ok geheten van hudenberge went desse vorschreucne kop geschen is myd vnsem willen vnde vulborde so hebbe wij ok vnse rechten Jngesegele gehangen heten an dessen breff De gegeuen is Na godes bort drutteynhnndert Jar In deme dre vnde negentigesten Jare des achteden dages to Twolfften.