(Nach einer Copie auf Königlicher Bibliothek zu Hannover i ,Neg. III. I.it. gsr,«. toi. XU.«)

Wij Radmanne der Stab Lüneborg Vetüget opembare in dessem Breue vor allesweme. Dat Her Johan Schellepeper vnßer Stadt Borgermester myt Bulbord siner Eruen vor vifhundcrt Mark Lüneborger Penninge, de em to der Nöge betalet sind, rechtes kopes verkofft, vnd im Gerichte vpgelaten hefft, deme Ersamen Heren Helmolde Proueste. frouwen Hillen Pryorinnen vnd deme gantzen Convente des Closters to Walsrode vnd oren Nakomelingen. Dre vnde dortich Marck Geldes Jarliker Renthe. Der vorscreuenen Penninge In den vertijden des Jares, alse to Paschen, to sünte Johannis daghe to Middensomer, to sünte Michaelis daghe vnd to Winachten, to hewelker besser tijd achte Mark vnd veer Schilling Penninge to betalende, alle yar ane Hinder vnd sunder alle Mynneringe brukelken in vuller Renthe vthe der vorbate Bonynge vnd allerleye Nuth vnd Renthe, der vorderen Wechpannen M dem Huse to kempinge vppe der Sulten to Lüneborg belegen Vnd de vorbenompte her Johan Schellepeper, edder de Besitter dersüluen Pannen möget de vorscreuenen Renthe vor de vorgerorden Summen Geldes wedder kopen, wen en dat behaghet, wo se den vorbenompten Heren Proueste Pryorynne vnd gantzen Convente dat eyn Bernde! yares touoren kündigen vnd witlik don. To merer Tüchnisse der vorscreuenen Stücke hebbe wy vnser Stab Jngesegel gehenget laten an dessen Breff. de gegeuen iß na Godesbort verteynhundert yar, darna in deme dre vnde uertigesten Jare des negesten frigdaghs vor dem Sondage alsmen in der Hilgen kerken singed Judica.