Fridericus, Dei gratia Romanorum rex, semper augustus et rex Sicilie. Universis regni sui fidelibus gratiam suam et omne bonum. Cum ad hec divina clementia nostre cure ac sollicitudini gubernacula commendaverit Romani regiminis, ut ecclesiarum intendamus paci et tranquillitati, dignum duximus, ea que sub nostris fiunt temporibus, ad aucmentum cultus Dei promovere pro viribus et modis omnibus confirmare. Eapropter universitati vestre notum facimus, quod Bertholfus miles de Gerswilre in nostra presentia constitutus allodium suum in Gers- wilre integraliter tam in villa quam in agris, tam in nemore quam in pratis, sive aquis cum omni iure, liberum et absolu- tum ab omni iurisdictione advocati sive comitis, dedit et con- tulit per manus nostras cenobio sanete Dei genitricis ac virginis Marie in Otterburg pro remedio anime sue et suorum ante- cessorum, qui idem allodium usque ad hec tempora in quieta et plena semper possederant libertate. Quia igitur manifeste coram nobis atque legitime hec sunt acta, nos donationem istam eidem ecclesie confirmamus, auctoritate regie celsitudinis inhi- bentes, ne quis hominum sublimis vel humilis prefatum ceno- bium tam in ista quam alia quacunque sua possessione pertur bare presumat ; alioquin siquis spreverit in hac parte preceptum nostrum, indignationem se noverit regie celsitudinis incur- surum. / '

Testes huius rei sunt H ... comes Geminipontis, Symon comes Sarepontis, Fridericus comes de Liningen, Anselmus marscalcus noster de Iustingen, Reinhardus scultetus de Lutra et alii quam plures nostro tunc palatio assistentes. Otterberger Urkundenbuch. 2

18

Acta sunt hec anno dominice incarnationis m. cc. xvii. Datum Bopardie vi. idus martii, indictione v.