Wir Conrad vnd Heinrich, gebrüder, die do heizent Kne bel, dun kont allen, die diesen brief anesehent oder horent lesen, vnd veriehen offenliche an dysem brieve, daz wir ver- zehen vnd han verzihen luterliche vffe alle die sache vnd ane- spruche, die wir han bit her gehabet bit den geistlichen luden deme . . abte vnd dem convente graes ordens des closters zu Ottirburg von des gudes wegen zu Freymersheim : darumme gebent sie vns vnde schenkent vns willicliche zwenzig marg Kolser penninge, dri heller vor ie den pennig. Hie Ы vnd hie vber sint gewest die frommen edellude her Syfrid der ringrave, her Otrung von Strumborg, her Stelin von Bunninheim vnd

336

her Franke von Husen, ritter, Wilhelm von Rorburen vnd Didrich ven Husen, wepelinge vnd auch andere biderbe lude, vnd gen des disen brief versigelt bit min Conrad Knebels in- gesigel vor mich vnd vor Heinrich, minen bruder, wand er nit ingesigels inhat, vnd bit ingesigel des edeln mannes vnsers hern grave lohann von Spanheim. Und wir grave Iohann von Spanheim dorch bede der geistlichen lude des . . abtes vnd des . . conventes zu Otterburg, vnd auch dorch bede Heinrich vnd Conrad Knebels, ' der vorgenant, han vnser ingesigel gehenket an dysen brief zu eime vrkunde. Der ist geben, do man zalte nach Gots geburthe druzehenhundert iar vnd zwei vnd zwenzig iar, an sante Albans dage.