Wir Luduwig von Gods gnaden Römescher keiser zu allen ziden merer des riches. Tun kont offenlichen mit disem brieve, daz wir durch heil vnser vnde vnser forfarin seligen sele wil len vnd zu vorderst dorch Got den erbern geistlichen luden, dem . . abbt vnd dem . . covente des gotshuses zu Otterburg, des ordens von Cyterten in Megenzer byschdum, vnsern lieben demudigen den hof zu Bockenheim vnd alle die gut, die in den dürfern zu grozen vnd ze kleinen Bockenheim gelegen sint, vnd die in den vorgenant hof gehorent, die von vns vnd dem riche lehen sint, zu eime selegerede geeigent, vnd ewic- lichen geben haben mit willen vnd gunste des edeln mannes Ioffrides, graven ze Liningen, Mechtield, siner husfrauwen vnd iren erben, der erbelehen der vorgenant hof vnd die gut die darin gehorent, vnd vns vnd dem riche gewesen sint, vnd wol len daz sie den obegenanten hof vnd die gut, die darin geho rent, fürbaz me haben vnd geniezzen sollen mit allen rechten, eren, diensten, nutzen vnd gulten, alse sie andere ire eigene gut biz her inne gehabet vnd genozzen habent. Auch wollen wir, daz die briefe, die der vorgenant grave von Liningen, sin husfrauwe vnd ire erben habent, vmme den vorgenant hof vnd gut de keine craft haben; also daz sie deme vorgenant. . abte vnd sime closter nicht zu schaden kummen, noch de keinen schaden brengen in dekeine wis. Darumme wollen wir vnd gebieden allen vnsern vnd des richs getruwen, fursten, . . gra- Otterberger Urkundenbuch. 27

418

ven, . . frihen, . . dienstluden, . . rittern,. . knechten, . . edeln vnd vnedeln vnd andern, swie die genant sint, vesteclichen vnd ernstlichen bi vnsern gulden, daz sie den vorgenant . . abt vnd convent zu Otterburg von vusern vnd des richs wegen vf dem selgerede vnd vf disen vnsern gnaden schirmen vnd nit gestat- den, daz sie ieman fürbaz mer daran leidige oder beswere in dekein wis. Mit vrkunt dises brieves, der geben ist zu Fran kenfort an samzdage nach sancte Egidy tag, besigelt mit vn- serm keiserlichen ingesigel, nach Christes geburte druzehun- dert iar vnd darnach an dem virzigestem iare, in dem ses vnd zwenzigestem iare vnsers richs vnd in dem drizehendesten des keisertums.