Wir bruder Peter, der . . abbet vnd der convent gemein liche des closters von Ottirburg, des ordens von Cyters in Ment- zer byschdum gelegen, veriehen vffenlich vnd dun kunt allen den, die disen brief iemer sehent oder horent lesen, daz wir beredenliche vnd bit guder betrachtunge in vnserme capittel gemeinlich daruber gesezzen sin, vnd han durch vnsern vnd des vorgenant vnsers closters bezzern vnde kuntlichen nutz, der vns do von kummet vnd kummen mag fur vns, vnser clo ster vnd alle vnser nachkommen, recht vnd redeliche verkauft vnd veriehen, daz wir verkauft vnde zu kauf gegeben haben vnwiderkommenliche an disem gegenwortigen brieve den ersa- men bescheiden luten Heinriche, genant Henkin Biereigen vnd l'rauwen Gyseln, sinre elichen husfrauwen, burgern zu Spiren, ierliche vnd ewige gulde zwenzig malter korngeltes Spirer ma zes, zwei fuder wingeltes, gemeines Huntsches wines, der einz sol sin luter win, vnd daz ander rot win, alse vns vnd vnserme closter der vorgenant win wehset vf vnsern wingarten zu Dy- densheim oder anderswo ane alle geverde, vnd zehen pont heller geltes guter vnde geber vmme fier hundert punt heller guter vnde geber, die wir von den vorgenant elichen gemech- ten entphangen han vnd in vnsern vnd des vorgenant vnsers closters bezzern vnde kuntlichen nutz bewant han gentzlich vnde gar. Unde sollen wir vnd alle vnsere nachkomen den vorgenant elichen gemecheden Heinrich vnd frau Gyseln vnder

26 *

404

iegelichem nach des andern dode vnde auch nach irre beider dode alle iar geben vnd antworten, alse hernach beschrieben ist. Den vorgeschriebenen elichen gemecheden, die wil sie lebent, vnd ir iegelichem nach des andern dode, in iren hof, genant der Gelfraden Hof in der gaszen hinder den Augustinern in der stat zu Spire gelegen, mit solichem gedinge vnd vor worten vnd zu den ziln, alse hernach ist beschrieben. Die zwenzig malter korn geltes of vnser frauwen dag der messe, alse sie geborn gewart, vnd die zwei fuder wines, vnd die zehen punt heller geltes of sancte Martins dag, mit vnserre vnd des vorgenant vnsers closters vnde vnsere nachkomen fure, kost, schaden, verlost vnd arbeit, vnd sal dar an nit hindern her, hagel, brant, missewas, dekeinerley clage oder gebot oder anders dekeinerley vnglucke ane alle geverde. Und daz die vorgenant elichen gemechede, die wil sie lebent, vnde nach ir beder dode die, den die vorgenanten zwenzig malder korngeltes, zwei fuder wingeltes vnd zehen punt heller geltes darnach vallen sollent, alse hernach ist bescheiden, dar an die sic herre sin, so han wir darumme zu eime rechten vnderpande gesetzet nach der stede recht vnde gewonheit zu Spiren vnsern hof zu Dydensheim bit den wingarten, wingulte, agker, wie sen, zinsen vnd allen andern guten, die darzu horent, vnd dar- zu den hof vnd daz gesesze, genant der Gelfraden Hof, gegen Schreiers gesezze vber, an dem brunnen, genant Swabes Brun nen, hinder den Augustinern zu Spire gelegen, mit allem dem, daz darzu horet, alse die vorgenanten elichen gemechede den selben hof, mit dem, daz darzu horet, zu einre ewigen messe, die man ewicliche dar inne sprechen vnd haben sol, nach iere beider tode vns gegeben vnde gemacht hant, alse an den brie- ven stet, die dar vber sint gemacht. Also wer iz, daz wir oder vnser nachkommen dekein iar dar ane sumig weren, daz wir dekein zil verseszen, vnd die vorgenant gulte korngelt, wingelt vnde pfennig gelt den vorgenant elichen gemecheden, oder ir iegelichem nach des andern dode nit engeben vnd nit entwor teten in die stat zu Spire, alse do vor ist beschrieben; vnde wer iz, daz wir oder vnser nachkomen die selbe sumange nit vfrechteten in dem nehesten mande nach iegelicheme zil, so sollen wir zu hant nach dem mande in pene zwivaldiges zinses, des zinses alles gentzliche, ez ste wenig oder viel vze, ver vallen sin, alse dicke alse daz geschicht, nach der stede recht

405

vnde gewonheit zu Spire. Alse wer iz, daz wir danne den ver- seszen zins mit der pene zwivaldiges zinses den vorgenant eli- chen gemecheden, oder ir eime nach des andern dode nit gentzliche geben vnde entworteten, als do vor ist beschrieben, so sal zu hant nach dem mande der camerer vnd der faut der stede von Spire vnd auch daz welntlich gerichte zu Dydensheim j/ die vorgenant elichen gemechede oder iren gewaltigen botden, wan sie iz vordernt, of den vorgenanten vnsern hof zu Dy densheim, mit allem dem, daz darzu horet, setzen vnde gewe- ren glicher wis, alse hetten sie die selben gut, mit rechtem gerichte vz erclaget, beretd vnd gehabet, ane eit vnd vnver- kunter dinge. Unde sollen auch wir vnde vnser closter solich recht, alse wir hetten oder haben mochten an deme vorgenan ten hove vnde gesesze, genant der Gelfradin Hof, gentzlich han verloren zu einre meren pene, vnde solte der vorgenant hof vnde gesesze den vorgenauten elichen gemecheden wider gevallen siu ane alle vnse widerrede vnd alle geverde. Wanne auch die vorgenant elichen gemechede Heinrich vnd frauwe Gysel bede abegent, vnde nit ensint, so sullen wir der vorge nant . . abt vnd der . . convent von Ottirburg die vorgeschri- ben gulte zwenzig malter korngeltes, zwei fuder wingeltes vnd die zehen punt Hellergeltes ein iar nach ir beder dode vnde nit me geben vnde antworten deme priester, den sie oder ir einz, die wil sie lebent, die messe zu sprechen in der vorge nanten cappellen hat bevolhen. Und sollen nach dem vorgenant iare einen priester von vnserme closter vnd vnsers ordens, wen wir wollen vnd den andern, wie dicke wir wollen, welhen vnd schicken in den vorgenant hof vnd gesesze, genant der Gelfra- den Hof, der vns mit allen deme, daz darzu horet, nach der vorgenant elichen gemecheden dode ledeclich ane vallen sol. Unde sol der selbe priester die selbe messe in der Cappeln alle tage sprechen vngeverliche. Und sollen auch wir vnd vnser nachkomen deme . . priester vorgenant alle iar ewicliche von der vorgenant gulte geben vnd entworten in den vorgenant hof, genant der Gelfradin Hof, in die stat zu Spire zwenzig malter korngeltes zu vnser frauwen dag der messe, als sie ge- born wart, ein fuder gemeines Huntschen wines, des ein halp fuder sol rot sin, vnde ein halp fuder luter win vnd die zehen punt Hellergeltes zu sancte Martins tage, mit vnserre, vnsers closters vnd vnserre nachkomen furunge, kost, arbeit vnd scha-

406

den, vnd bi den penen, als hernach ist beschrieben. Wir sollen auch daz vberige fuder wingeltes, daz auch halbez sal rot win sin, vnde halbez luter, als auch, daz die vorgenant elichen ge- mechede dorch Got vnd auch irre selen heiles willen gesetzet hant, nach irre beder tode vnd nach dem iare als die vorge nant gulde deme prister, der von iren wegen die messe zu sprechene gesetzet wer, darnach ewecliche geben vnd reichen deme vorgenant vnserm convente zu Ottirburg alleiar an sancte Marien Magdalenen dage in den Refender zu einer sun- derlichen Pittancien, also daz der vorgenant vnser convent da- rumme der vorgenant elichen gemechede iargezit vnd gehug- nisse alleiar ewiclich began sol, alse gewonlich vnde mugelich ist ane alle geverde. Es ist auch beretd vnd gedinget, wer iz, daz Got wende, daz der priester, der von vns den vorgenant deme . . abbete vnd deme convente zu Ottirburg die messe zu sprechene vnd die phrunde zu verdienen erwelt vnd gesetzet wer, alse sumig wer zu dekeiner zit, daz er des arg wenig wer, daz er die selbe messe sumete, vnd sie acht dage nahen ander vngesprochen liesze von mutwillen, von sichtdagen, oder von welichen sachen daz geschehe, vnd darum von den erwur- digen hern deme . . dechane vnd deme capittel des stifles zu dem tume zu Spire oder von iren wegen darumme anegespro- chen vnde zu reden gesetzet wurde, so solte der vorgenant prister fur ien kuntlich macheu vnverzugenlich, daz er die messe so lange zit gesprochen vnd nit gesumet habe ane alle geverde : vnd dete er des nit, so solten wir der . . abt vnd der convent von Ottirburg solich sumnisse vf richten kuntlich mit dem priester vnd darzu mit eime andern priester vnverzo- genlich nach den acht dagen in deme nehesten mande, wie dicke iz geschehe. Л Detden wir des nit, vnde auch obe wir vnde vnser nachkomen dekein iar oder zil verseszen, daz wir deme priester, der von vnsern wegen die messe zu sprechene in der vorgenant cappellen also geschicket wer, die zwenzig malter korngeltes, ein fuder wingeltes vnde zehen pont Hellergeltes zu den ziln alse do vor geschrieben ist, nit engeben vnd ent worteten, vnd auch daz sumnisse nit vfrechten in deme nehe sten mande nach iegelicheme ziel bit der pene zwievaldige cinses, alse do vor ist beschrieben, so salte dar nach der vor genant hof vnde gesesze, genant der Gelfradin Hof, mit der cappelle vnd mit allem deme, daz darzu horet, vnd auch die

407

vorgenant gulte zwenzig malder korngeltes, ein fuder wingeltes vnd zehen punt Hellergeltes, vnde auch vnser hof zu Dydens- heim, mit allem dem, daz darzu horet, der auch dar vor zu eime rechten vnderpande geleget ist, an die vorgenant erber hern, den . . dechan vnd daz capittel zume dume zu Spire ewicliche, eigentliche vnd ledecliche sin gevallen; vnd sollent sie der camerer vnd der fauget der stede von Spire vnd auch daz welntlich gerichte zu Dydensheim daruf setzen vnd geweren glicher wis, alse hetten sie die selben gut mit rechtem ge- riechte vz erclaget, beretd vnd behabet ane cit vnd vnurkunt der dinge ane vnserr vnd eins ieclichen ander Widerrede vnde ane alle geverde. Unde sollent auch die vorgenant, der . . dechan vnd daz capittel des stiftes zume dume zu Spire die selbe prunde, daz ist zwenzig malter korngeltes, ein fuder wingeltes vnd zehen punt Heller geltes eime erbern priester lihen, wem sie wollent, alse dicke alse sie ledig wirt, der die selbe messe alle tage spreche vnd die prunde verdiene, vnd der vorgenant elichen gemechede vnd irre altfordern gehug- nisse vnd gedechtnisse dun vnde began sol, alse mugelich vnde gewonlich ist, an alle vnser vnd vnserre nachkomen wi derrede vnd ane alle geverde. Unde aller dirre vorgeschribenen dinge zu eime waren vrkunde han wir der vorgenant . . abt vnd der convent vou Otterburg vnser bede ingesigele gehen ket an dysen brief, vnd han gebetden die erwirdigen hern die geistlichen richter des hoves zu Spire, vnde auch die ersamen wisen lute, die richter, den rat vnd die burger gememliche zu Spire, daz sie die vorgenanten geistlichen richter irs hoves in- gesigel, vnd die vorgenant die richter, der rat vnd die burger gemeinlich zu Spire der stetde ingesigel von Spire zu vnsern ingesigeln durch vnser betde hant gehenket an dysen brief. Unde wir die geistlichen richter des hoves zu Spire, vnde wir die richtere, der . . rat vnd die . . burger gemeinliche zu Spire veriehen vffenliche, daz wir dorch betde der vorgenant ersamen geistlichen lute, bruder Petirs des . . abtes, vnde bru- der Iohans von Cellen, vnde bruder Hermannes von Kollen, mumpar vnde procurator des . . priols vnd des conventes von Ottirburg, die auch aller dirre vorgeschrieben dinge vur vns in gerichtes wis veriehen hant vmme die vorgeschriebene sa che, wir die vorgeschriebene geistliche richter vnsers hoves in gesigel, vnd wir die vorgenant, die richter, der rat vnd die

408

burger gemeinlich zu Spire vnserre stetde ingesigel von Spire han gehenket an dysen brief. Der wart geben, do man zalte von Gots geburthe dusent iar druhundert iar vnde nune vnd driszig iar, an deme mandage nach deme sundage Letare in der vasten.