Bertholdus, Godfridus fratres dicti de Metis, Cönradus de Wartenberg, Iacobus de Lapide, milites, Heinricus Richeri,

94

Heinricus HoUmunt, Heinricus Cypure, Sygelo Gotzmari et Wernzo Dyrolfi, cives Wormatienses. Tenore presentium pro- testamur, cupientes notum fieri universis presentem paginam inspecturis, quod cum inclita domina Uda, comitissa de Li- ningen, et frater eius natus vellent cognoscere evidenter, que iuris haberent in Bockenheim, que venerabiles viri dominus., abbas et conventus in Otterburg pro capitulo Leodiensis ec- clesie proprietatis tytulo compararunt, et iam usque ad quin tam nunc instantem messem quiete et pacifice possederunt, existente die placiti, quod gedinge, ze vulgariter nuncupatur, in ipsa villa Bockenheim anno Domini m. cc.lv., vii. idus iunii nobis presentibus et eiusdem ville scabinis, qui et huius negotii testes sunt, videlicet Reinbodone sculteto, Heinrico Formere, Heinrico Advocato, Heinrico filio Syfridi, Heinrico filio Heinrici de Area, Heinrico Wizzelhart, Bertolfo, Rein bodone fratre suo, Gerbodone, Brungero filio Witechonis, Heinrico fratre eiusdem, Gerhardo, Gerungo filio Trutwibis et Bolfo filio Iuste, nec non aliis multis presentibus, comparue- runt ibidem nuntii predictorum domini.. abbatis et conventus ex parte una, videlicet Heinricus cellerarius maior, Wernhe- rus notarius, Herricus infirmarius, Wernherus Militellus mo- nachi, et Conradus conversus curie in Bockenheim, ex párte vero domino .. comitisse et sui nati Franko de Lammesheim, Helfricus' de Ysenburg, milites, Sygelo Advocatus de Karle bach et Petrus de Kyburg. Et primo quesitum fuit et obten- tum per iustam sententiam, ab omnibus circumstantibus ap- probatam, quod nemo possit in eadem villa proferre senten- tias aliquas nisi duntaxat scabini ipsius ville, et quod etiam illorum standum est sententiis prolatis, neque eas de iure re- fellere quisquam possit. . Post hec autem sententias subnota- tas et requisitas prefati scabini publice protulerunt, quas pre- sertim omnes adstantes et presentes consensu debito appro- babant. De iure quidem comitis de Liningen sententiaverunt, cum proponerent nuntii destinati, quod natus domine.. comi tisse haberet litteras Leodiensis ecclesie, quod nulli essent eadem bona vendenda, nisi prius intimaretur sibi : dictum est per sententiam, quod nec ipsi comiti, nec cuiquam seculari eadem bona vendi possent, quantumcunque etiam dare vellet pro ipsarum emptione, sed solum alicui ecclesie vel claustro ob hoc, quia homines attinentes sunt proprii, qui dicuntur

95

Heilkur. Item sententialiter protulerunt, quod in tempore vin- demiarum anno quolibet.. abbas et.. conventus in Otterburg pro se, et comes pro se mittent nuntios suos ad ipsam vil lam, et cum in torculari reposita est ultima massa uvarum, que Secker vocatur, nuntii ipsius claustri accipient vas unum, quod voluerint, et post hec nuntii comitis accipient secundum vas, quod tamen existat sub mensura et quantitate septem amarum; de residuo quoque vino ipsum claustrum et sui nuntii quidquid voluerint, ordinabunt, deducendo ipsum. Ma liter aut quidquid de ipso voluerint faciendo. Annonam etiam suam ibidem quocunque placuerit deducent cum paleis et provenientibus de eadem. Censuales etiam homines annonam, quam debent in censu, qui dicitur gelsterkorn, in curia ipsis dominis presentabunt. Dabunt etiam prefati domini domino comiti duas libras denariorum Wormat. annuatim, unam in festo Iohannis Baptiste, alteram in natalibus de bonis prefatis pro defensione, sicut domini de Leodio primitus tradiderunt- Item quilibet virorum pertinentium ad eadem bona in medio maio nuntio comitis dabit denarium unum Wormat. singulis annis, quorum si aliquis lesus fuerit aut turbatus, advocatus comitis ad rectificandum hoc ibit per diem unum in expensis domini comitis; si vero ultra morabitur cum ipso, expensas, quas fecerint, lesus persolvet. In quorum omnium memoriam et testimonium presentem cedulam sigillis nostris duximus muniendam. Testes sunt: Dydericus de Gauwersheim, Sygelo de Lumersheim, Nagil de Hoenfels, Neblungus de Sultzen, Rudigerus de Hargesheim, Conradus de Dyrmestein, Heroldus deDyrmestein milites, Wern. Tritel, Heinricus Amella, Gun- zelinus et Hugo frater suus de Bockenheim, Heinricus Schit, Germannus et Conradus frater suus et alii quam plures cives Wormatienses. Actum anno Domini et die superius annotatis.