Walravus Dei gratia prepositus, Burcardus decanus, Cunra- dus scolasticus totumque capitulum ecclesie Wormatiensis. Uni- versis Christi fidelibus hanc litteram inspecturis salutem in Do mino sempiternam. Que nostris geruntur temporibus, ne simul cum tempore a memoria elabantur, scriptis solent et dictis testium perhennari. Hinc est, quod nos tenore presentium pro- testamur, et notum esse volumus universis hanc litteram in specturis, quod Heinricus miles dictus Telonearius de Alzeia, de communi consensu et voluntate bona uxoris sue . . et om nium heredum suorum, dilectis nobis in Christo viris religiosis domino Walthelmo abbati et conventui de Otterburg, Cysterc. ordinis, Mogunt. dyecesis, omnia bona sua, que in Mergestat habuit hactenus et possedit, pro quinquaginta marcis puri et legalis argenti vendidit titulo legittime venditionis, ita videlicet

99

quod ecclesia de Otterburg eadem bona cum omnibus attinentiis suis libere et quiete, iure proprietatis perpetuo possidebit. Cum igitur miles quidam dictus Schiles de Montfort pro illis bonis indebite occupandis prefatos abbatem et conventum de Otter- burg aliquotiens infestarit, asserens quod ex parte matris uxo- ris sue dotatus fuerit bonis illis, et ob hoc in ipsis portionem debitam merito debuerit obtinere, tandem idem miles ad hoc per compositionem amicabilem est inductus, quod pro se et uxore sua et pro omnibus heredibus suis presentibus et futuris omni actioni et querele, quam pro dictis bonis in Mergestat sitis se dixerat habuisse vel adhuc habere posset in futurum contra ecclesiam de Otterburg, in nostra presentia penitus re- nuntiavit; et quod hoc inviolabiliter observabit, ad talem pe- nam pecuniariam se adstrinxit, videlicet quod ipse domino Wal- ravo preposito Wormatiensi et cuilibet eius successori, qui pro tempore fuerit, in sexaginta marcis coloniensibus tenebitur, si predictam ecclesiam de Otterburg pro sepedictis bonis repeten- dis verbo vel facto, per se vel per alium unquam de cetero infestabit.

Huius rei testes sunt: Dizo de Enselintheim, Iacobus de Lapide, Gerbodo de Muleboime, David in Wormatia retro co- quinam, Wolframus Pedernoheim, Rudegerus Bubo, Kerne, Cunradus de Sterrenberg, Losenaph, milites ; Cunradus Dirolfi, Heinricus Richen, Cunradus de Rosenbaume, Edelwinus, Hein- ricus Holtmunt, Sigelo Gosmari, Wernherus Dirolfi cives Wor- matienses, et alii quam plures.

Acta sunt hec anno Domini m.cc.lvii. Ut autem omnia su- pradicta robur debitum obtineant perpetue firmitatis, presens scriptum sigillis nostris duximus roborandum.