Ich Nyclas von Kindenheim, ein scholtheize zu Lutern ver- iehen mich an dysem gegenwortigen brieve vnd dun kont allen den, die in sehent oder horent lesen, daz ich an des kuniges gerichte zu Lutern saz, alse ein rechter vor den burgmannen zu Lutern, deme edeln hern hern Phil, von Falkenstein, hern Wolframe von Lewenstein, hern Syfride vnd hern Iohann von sáncte Elben, rittern, vnd Landolf von Wielenstein, vnd Iacobe von Wachenheim, edeln knechten, Dyrolfe dem burgermeister, Iohann von Wirzeburg, Iohann von Mensenbach, Heinrich Zangmeister, Iohann Úlenguzzer, Falken, Berwelfe, Volzen vnd Iohann von Morbach vnd Iacobe Sensensmide, rathern zu Lutern vnd vor des kuniges forstern zu Lutern, do wart vor mir gefreget vnd geheischen ein ortdeil zu sprechen vmme die zweiunge der gerichte der zweier durfer Erlebaches vnd Mor- lutern, die do was thussen der edeln frauwen von Spanheim genant vnd der erbern geistlichen luden deme abte und dem convente zu Otterburg vnd dem probste vnd deme . . convente »u Lutern, wie daz von alters were herkommen, vnd an wen die vorgenant gerechte solden horen; wanne die vorgenant edelfrauwe die selben gerichte von eins kuniges wegen ane- sprach. Do wart gesprochen vnd geortdeilt von den vorgenant burgmannen. . burgermeister vnd den rathern, vnd auch des kunige» forstern, so sie iz aller best gesprechen mochten, daz

343

daz gerichte zu Erlebach an daz closter zu Otterburg, vnd daz gerichte zu Morlutern an daz closter zu Lutern horent, vnd von alder hant gehort lederliche vnde frii. Ane bruche alleyne, die do geschehent in der gemeinen strazen thussen den zwein wageleysen, die sollent eins kuniges amptmanne vallen. Wer iz auch sache, daz in dysen vorgenant gerichten ein diep begriffen wurde, daz sollent der vorgenant amptlude eime scholtheizen zu Lutern vor kunden, der sal sich des vnderwinden vnd rechten, den alse ein recht ist^Dirre dinge sint gezuge vnd satzlude der edel herre rugrave G., her Phi lips von Brunecken, ein dumherre zu Worms, Iohann an dem Margte, Keltz, Heinrich Gauch, Ruprecht an dem Borne, vnd andere biderke lude vil vnd gnug. Und von ich Nyclas hie bi was, vnd vor mir gehaudelt wart, darumme so han ich min ingesigel zu eime orkunde an dysen brief gehangen. Auch wir her Philips von Falkenstein, her Georie der ruh- grave, Wolframe von Lewenstein, Syfrid von sante Elben rit- ter, vnd auch Iacob von Wachenheim, von wir hie bii waren, vnd iz horten vnd sahen, darumme so han wir zu eime ge- zugnisse bit Nyclase, deme vorgeschrieben scholtheizen, vnser ingesigele an dysen brief gehangen. Diz ortdeil wart gespro chen vnd dirre brief wart gegeben nach Gods geburt dusent iar druhundert iar on deme vier vnd zweuzigesten iare des nehesten dages nach vnser frauwen dage, den man heizet kerzewihe.