Honorius episcopus, servus servorum Dei. Dilectis filiis abbati et conventui monasterii in Otterburg, Cysterc. ordinis, salutem et apostolicam benedictionem. Solet annuere sedes apostolica piis votis et honestis petentium desideriis favorem benevolum impertiri. Eapropter dilecti in Domino filii vestris iustis postulationibus grato concurrentes assensu personas ve- stras et locum, in quo divino estis obsequio mancipati, cum omnibus bonis, que in presentiarum rationabiliter possidetis aut in futurum iustis modis procurante Domino poteritis adipisci, sub beati Petri et nostra protectione suscipimus. Specialiter autem curiam in Ormensheim cum terris, pratis, pascuis, rivis, aquis et aliis pertinentiis suis, que ab . . abbate de Frankendal, venerabilis fratris nostri . . episcopi et capituli Wormatiensis ad hoc accedente consensu, emptionis tytulo proponitis vos adep tos, decimas, kathedraticum et alia iura, que bone memorie L... Wormat. episcopus vobis de consensu capituli sui con- tulit, prout in litteris auctenticis exinde confectis plenius conti- netur. Ac talia bona vestra sicut ea omnia iuste ac pacifice possidetis, vobis et per vos eidem monasterio vestro auctoritate apostolica confirmamus et presentis scripti patrocinio communi- mus. Nulli ergo omnino hominum liceat nanc paginam nostre protectionis et confirmationis infringere vel ei ausu temerario contraire. Siquis autem hoc attemptare presumpserit, indig- nationem omnipotentis Dei et beatorum Petri et Pauli aposto- lorum eius se noverit incursurum. Datum Viterbii vш. kallen- das maii, pontifícatus nostri anno iiii.