Ich Gotfrid der Redeprunner von Naglarn vnd ich Margret sein hovsvrowe wir veriehen vnd tvn chvnt allen den, di disen prief lesent oder horent lesen, di nv lebent vnd her nach chvnftig sint, daz wir mit vnser erben gvtem willen vnd gvnst mit verdachtem mvt vnd mit gesamter hant zv der zeit da wir iz wol tven machten, verchavft haben vnsers rechten vrein aygens ainen mutt waiczes der da leit dacz Tziechsdorf avf einem gestiften lehen da zwen holden aufgesessen sint vnd den selben mutte waicz hab wir verchert, daz man da fvr dienen schol zwelif schilling phenning wienner mvnzze an sand Jorgen tag vmb fumf vnd zwainczig phvnt phenning der wir gar vnd genczleich gewert sein, den erweren geist lichen vrowen vrowen Annen ze den zeiten Aptessinne dez chlosters dacz sant Bernhart vnd dem convent allem fvrbaz ledichlichen vnd freilichen ze haben vnd allen ieren frvm da mit ze schaffen, ze verchavfen, ze verseczen, vnd geben, swem si wellen an allen irsal, vnd darvber zv einer pezzer sicherheit, so secz wir vns, ich Gotfrid der Radeprunner vnd ichMargretsein hovs vrowe mit allen vnsern erben vnverscheidenlichen vber die vorge nante gvlt dacz Ziechsdorf den e genanten geistlichen vrowen

DES KLOSTERS ST. BERNHARD. 227

gemain dacz sant Bernhart vnd allen ierennachchomenzvrechtem geweren vnd seherm fvr alle anschprach als aygens recht ist, vnd dez landez zv Osterrich. Wer awer daz si an dem selben gvlt icht chrie- ges oder anschprach gewunnen, swaz si dez schaden nement, daz schulle wir in allez ausrichten vnd widercheren an alle if mve vnd an allen ieren schaden, vnd schullen si auch daz haben auf vns vnd avf allem vnsrem gvt, daz wir haben in dem lande ze Oesterrich, wir sein lebentich oder tod. Vnd daz diser chavf fvrbaz also stat vnd vn- zebrochen beleib, dar vmb so giw ich in disen prief zv einem waren vrchvnde vnd zv einer ewigen vestigvng diser sache versigelten mit meinem insigel vnd mit dez edlen herren insigel hern Ott en von Meyssaw vnd mit meins swehers insigel hern Gerhartes dez Ge- naussen von Ernstprvnne, di diser sach gezevg sint mit ifn insigeln. Diser prief ist gegeben dacz sant Bernhart nach Christes ge- pvrd dreuczehen hvndert iar, dar nach in dem sechs vnd vierczigistem iar an sant Mathias tag.