Ich Chvnrat gehaizzen von sant Marien tvn chvnt allen den di disen prief horent oder sehent lesen beide di nv sint oder her nach chvnftig sint, daz ich mit gvtem willen mein selbes vnd meiner hovsvrowen vron Margreten vnd meiner chinde Chvnrates vnd Albers meiner svn, Katrein vnd Margreten meiner tochter han verchauft vierdhalbes lehen dacz Ernsdorf di oede sint mit purchrecht vnd aygenschaft, vnd ain lehen dacz Weyden, daz gestift ist vnd dienet achczig vnd sechs phenning, vmb dreiczehen phvnt phenning -der gemain munz ze vron Offmein der Aptessinn von sant Bernhart vnd aller der sampnvng, vnd vergich daz ich dez gvtes genczlich gewert pin, vnd han iz auch auf gegeben mit sampt meiner hausvrowen ledichlich fvr rechtez aygen, vnd wand meinev chint nicht sint chomen zv dem alter, vnd si daz gvt selb auf geben, so secz ich den vorgenanten vrowen purgel hern Almar von Schpeissendorf, hernLevt- wein von Dornech, hern Prechtel den Stainpechen, di von aygem willen mit sampt mir vnd meiner hovsvrowen, oder ob ich stvrbe vnd mein hovsvrowe an vns, schullen meinev chint da zv prin- gen, daz si daz gut auf geben vnd sein gewere sein vnd scherm mit sampt mier, alz landez recht ist, vnd zv pezzer stetigvnge so secz ich den vorgenanten purgeln mein gvt, daz dacz dem Maierhaven haizzet, daz si dar aufhaben, ob in an mir vnd an meinen chinden icht abgieng, vnd gieng auch den vorgenanten vrowen icht ab an den purgeln, di ir scherm sullen sein nach landes recht, so schullen si auch auf dem vorgenanten gvt haben mit sampt den purgeln. Vnd wand ich nicht ein aygens insigel han, so giw ich in disen prief ver sigelten mit dem insigel dez erweren mannez genant her Seyfrid der Apt von Altenburch vnd auch mit dem insigel meines (bis) herren, hern Stephans von Meyssawe der Marschalch ist in

DES KLOSTERS ST. BERNHARD. 277

Oesterich. Diser dinge sint geczevg herAdloltvnd sein svn her Hainreich vnd herr Chvnrat von Cheyaw, her Haug vnd herr Ott von Liechtenvels, di dienstherren sint in Oesterrich, her Wolfhart von Durrenpach, her Ott von Nevnburch di ritter sint, her Hainreich der Wil- perger, her Gotschalich von Vronhoven, her Vlrich von pevgen vnd ander frvmer levt genvg, di pei dem chauf warn. Disev dinch sint geschehen, da von Christes gepurd waren tavsent iar vnd zwai hvndert vnd Nevnczik vnd Nevn iar an sant Philips vnd an sant Jacobs tag.

IchDietwein tvn chunt alle den di disen prief horent lesen oder sehent, daz ich han verchaufet zwai lehen daz Radwansdorf, di dienent ainlef schilling an vier phenning mit weisat mit alle vron Ofmein der Aptessinne von sant Bernhart vnd aller der Sampnvngvm vierczehenthalbes phvnt, vnd han daz getan mit gvtem willen mein selbs vnd meiner hovsvrowen vron Chunigunten vnd meiner chindeLudweiges, Nielas, Hertwiges, duz (sie) mit sampt mir habent aufgegeben ledichlich fvr rechtes aygen vnd vergich, daz ich dez gvtes genczlich gewert pin vnd gelob auch scherm den vorgenanten vrowen alz landez recht ist mit sampt meiner hausvrowen vnd meinen chinden vnd zv pezzer stetigunge, so seczet vür mich ewentewer mein swiger vro Gedraut ain lehen dacz Prai- tenaich vnd Jmmerman auch ain lehen daez Rad Wansdorf, vnd wiert aueh fvr mich purgel Heinrich der Dachpech, Engel brecht der Steinpech, Heinrich der Grvnpech, di des gvtes schermer schullen sein fvr alle anschprach alz landez recht ist vnd schullen auch die vorgenanten vrowen auf in haben vnd auf der e genanten ewentewer, ob in an dem gvt, daz si von mir habent gechouflet chain schad geschech, vnd wand ich nicht ein eygens insigel han, so giw ich in disen prief versigelten mit dem insigel dez edlen herrn hern Stephans vo n Meyssaw, der Marschalch ist in Oesterrich, vnd mit dem insigel meins herrn hern

278 DAS STIFTUNGSBUCH

Chvn rates von puchperk dez ehnecht ich pin. Diser dinch sint geczivg her Adlolt von Cheyaw vnd sein svn her Heinreich vnd her Chvnrat her Wulfing vnd her Herman von Sunberch, di dienstherren sint, her Ott von Nevnburch, her Hainreich von Pernharczdorf, die ritter sint, her Hainreich von Wiltperg vnd sein aydem her Levtwein, her Almar von Speissendorf vnd ander frvmer leut genug. Disev dinch sint geschehen nach Christes gepurd tausent iar vnd drev hundert iar an sant Gregorin tag.