Das Stiftungsbuch des Klosters St. Bernhard, Nr. 78, S. 256
Wir Vlreich vnd Ott di pruder di puredorfer vnd Levtwein der Grvnepech von Vreuntsperch tvn chvnt an disem prief allen leuten di nv sint oder di her nach chvnftig sint, daz
DES KLOSTERS ST. BERNHARD. 243
wir mser gvt sibenthalb phvnt vnd drei vnd zwainczig phenning geltes, dez da ze sant Bernhart im dorfe sint drev phvnt, vnd ains min sechczig phenning daczPivgen, zwelif schilling da ze prunne, ain halb phvnt, dacz Vronhoven ane sechs phenning ainlif schilling geltes, daz gut geb wir vnd habens gegeben durch got mit aller vnser gcerben hant vnd gvtlichem willen zv zwain iunchvrowen, der aine mein dez voigenanten Otten tochter vnd aine mein dez ее genanten Liutweinstochter ist dem Chloster und der samp- nvng da ze sant Bernhart vur rechtez vreyes aygen, daz si daz ewichlichen haben schullen mit allem recht, als wir daz haben ge habt vnd daz selb gvt gelob wir in ze schermen nach landez recht in Oesterrich wir alle drei, vnd vnser baider Ulreichs vnd Otten der vorgenanten svne Jans, Chunrat, Nie la vnd Chvnr at vnd auch alle vnser erben fur alle anschprach vnd vvber diez dinch zv einer ewigen gewisheit geb wir der vorgenanten sampnvng vnd dem Chloster ze sant Bernhart disen prief versigelten mit vnser dreyer insigel vnd diez dingez geczevg sint herStephanvonMeyssaw der Marschalch in Osterrich, her Vlreich sein svne, her Chalhoch von Ebersdorf der Ghamerer, her Alber vonChvnring.herOtt vonZelkingen, herChvnradvon Puhperch, her hovg der Tvrse, di dinstherren, her Her- vort von Simeningen, her Chvnrad von niwendorf di ritter, vnd ander pidirb leut vil vnd genvg. Diez dinch ist geschehen vnd diser prief ist gegeben dacz Wienn im Hoftayding da man von Christes gepurt raitte Tausent drevhvndert vnd ainlif Jar iu dem letstem iar daz vorgenant ist am mittwochen in der Quotemper in der Vasten.
Kloster St. Bernhard, ed. Zeibig, 1853 (Google data) 78, in: Monasterium.net, URL </mom/KlosterStBernhard/f7a70bb8-cedb-4c18-b32e-51a748705fff/charter>, accessed at 2024-05-04+02:00
The Charter already exists in the choosen Collection
Please wait copying Charter, dialog will close at success