Ich Offe von Arberch veriehen und thuen khundt allen den, die diesen brüef lesen oder hören lesen, die im leben und hernach khunftig sein, das Ulrich und Herman an dem Hof und ihr erben von mier zu lehen gehabt haben ain und vierthalben Schilling Wienner pfening gelts auf zwain höfen, der ain ligt under dem Khaunberg in dem Spilbach, der ander ligt zu Pruckh und dem Stolwerch. Die selben zween höf haben sie zu khaufen geben Meinhartten von Khaunberg und seiner hausfrauen, fraun Khunigundten, und iren baiden erben umb sibenthalb pfunt Wienner pfening, der sie recht und rethlichen gewehrt sein; und haben auch die vorgenanten Ulrich und Herman mier Offen von Arberch die lehenschaft aufgeben desselben guets und was darzue gehört wie das genant ist, mit guettem willen unbezwungenlich, so beschaidenlich, das ich ehgenandter Offe von Arberch das vorgesprochen guett und was darzue gehört verlihen hab dem vorgenanten Meinhartten von Khaunberg und seiner hausfraw, frauen Khunigundten, und allen iren erben" zu ainem rechten purgrecht, damit füerbas ledigkhlichen und freyleichen allen iern frumben zu schaffen, verkhauffen, versetzen und geben, wehm sie wollen, an allen irrsall mit der beschaidenhaidt, das sie und ihr erben, oder wehrb daz vorgenant gueth noch in besizt oder innen hadt, mir Offe von Arberg und meinen erben davon dienen sollen ewigkhlichen alle Abschrifthr an sant Georgen tag zehen Wienner pfening zu rechtem purckhrecht und khain andern dienst nicht mehr noch khain ungeldt; und wehr das vorgenant gueth und was darzue gehört verkhauft, der soll den mir, Offen von Arberg, oder meinen erben geben vier pfening zue ablaith, und der da khauft, der soll geben zween pfening zu anlaith und auch nicht mehr. Und das dieser Sachen füerbas also stät und unverbrochen beleih, darüber gib ich in den brüef versiglt mit meinem insigl. Und ist auch der erbar ritter herr Leutoldt, der edle[n] fürsten zu Österreich obrist forstmaister, der Sachen zeug mit seinem insigl, und Chadolt, zu der zeit purkhgraff, der auch der Sachen zeug ist mit seinem insigl. Der brief ist geben nach Christus gebuerth über dreizehen hundert Abschriftr und darnach in dem ainundvierzigsten Abschriftr an unser frauen tag zu der verkhündtung.

Source Fulltext: Herold