Ich Ott der Mutschrodt unda ich Catharina sein hausfraw wüer veriechen für uns und all unser erben und thuen khundt offenbar mir dem brief allen den, die in sehen oder hören lesen, das wier mit wolbedachten mueth und gunst aller unser erben zu der zeit, da wüer es woll gethun möchten, unsers rechten aigens recht und redlich verkhauft haben und zu khaufen haben geben dem ehrwüerdrigen herrn abbt Johannes und dem convent gmain zu sant Mariazell vier pfundt gelts und drey Schilling gelts Wienner pfening gelegen auf den guettern, die hernach geschriben stehn: Von erst in Khaunberger pfarr zway pfundt gelts; datz Hainrichen auf dem Plöchelperg ain pfundt in dem Laupach; Dietel in dem Paurnhof fünf Schilling gelts; Petter Fetschacher zechen pfening gelts; Niclas Fleischhackher im dorf sechs pfening gelts; die Schuesterin auf der undern Ödt vier und dreissig pfening gelts; Chuenrath am Sauperg vierzig pfening gelrs; in Hainfelder pfarr und in Veittinger pfarr zway pfundr und drey Schilling gelts; in der hindern Leüthen und in dem Lueg sieben Schilling ohn vier pfening gelts; in dem Pfeinchpach under dem Püchl fünf Schilling und zwölf pfening gelts; in dem Schwarzenbach Othel aufm Anger sieben Schilling ohn acht pfening gelts. Die güetter und das gelt und was darzue gehört, wie das genandt ist und wo das gelegen ist, das haben wier verkhauft und geben dem vorgenanden herrn zu sant Mariazell und allen ihren nachkhomben umb achtundsibenzig pfundt und umb sechs Schilling pfening, der wier ganz und gahr verricht unnd gewehrt sein, allen ihm frumb damit zu schaffen, wie in das aller pest füegt ohn all unser ihrung. Wier sein auch, ich vorgenandrer Ott der Mutschrot und mein erben, der obgenanten gütter aller der vorgenandten herrn abbt Hansen und des convents gmain zu sant Mariazell ihr recht geber und schermb für all ansprach mit recht, als aigens recht ist. Denselben schaden sollen wir in allen abthragenb und widerkhern, ohn allen ihren schaden, das sollen sie haben auf uns allen unverschaidenlich, auf mir Otten dem Mutschraten und auf mein erben und auf aller der hab, die wir haben in dem landte zu Osterreich oder wo wier sie haben, wier sein lebentig oder todt. Und das der ldiauf und die Wandlung füerbas stät und unzerbrochen beleih, des gib ich oftgenanter Ott der Mutschrot und mein erben in dem brief wahren sichtigen urkhundt und zu ainem ewigen bestättigung, versiglt mit meinem anhangundem insigl. Und des sein auch zeug mein herr, herr Off von Arwerch, und mein vetter Hanns der Teufl und Petter der Khörschbeckh mit ihrn allen dreyen anhangunden insigln, die ich darumb fleissig gebetten hab, das sie des obgeschribnen khaufs zeug sein mit ihren insigln. Der brief ist geben nach Christy geburth dreizehen hundert Abschriftr darnach in dem sechsunndsibenzigisten Abschriftr, an Gottsleichnam tag.

Source Fulltext: Herold