27. April 1458.

Na Gades Geborth dusenth jar, vir hundert jar, darnah in deme achte vnd veftigsten jare des Dun- redages na Sunte Marcus dage, so syn vor vns, Rieh

^90 Kloster Lehnin.

tere vnd Schepper. der Dörper Schonerlinde, Möllen- becke, Bastorp, Wandelitz, Stoltenhagen vnd Clo- steruclde, gewest dy geistlicken Personen, alze Bru der Bartolomeus Papen vnd Bruder Peter Kock van des erwerdigen in Goth Vader vnd herrn, herrn Ar- noldus Abtes defs Closters tho Lenyn, Ordens van Cistercien an eynen, vnd Claus Schulte, eyn Rich ter zu Clostervelde, vor sich, syne naturliche Erfen vnd Erfhahiuen an deme andern deyle, vnd hebben vns an beiden deylen gebeden, dat wy mächten em an beyden deylen geuen eyne abscrift, wo dat so- dane thospracke vnde schulth, dhe vnsc herre van Lenyn van siner vnd sines Gadeshuses wegen vor vns erberurde Richter vnde Scheppen to deme erge nanten Claus Schulten hedde med Ordel vnd med Rechte laten scrien vnd klagen vmme Gewalth, die Claus Schulte hadde gedan an des Gadeshufses holte vnd vmme vngehorsam, den hee an synen rechten Erfherren gedan hadde, dy denne yn frünlschappe wohl synth entscheyden, dorch dy erbarn vnd an- dechtigen herre alse Paul Cunersdorp, vnses gnedi- gen herrn des Marggrafen hoffrichter, vnd herrn Si mon, Proueste to Bernow, vor vns als wy seten yn eynen hegeden Dinge, gehegeth med Ordel vnd Recht, dy tu einem rechten echten dinge hören, jn deme dorpe tho Clostervelde, na desser na gescreuen wyse. To dem irsten so heth sich Claus Schulte, ein Rich ter to Clostervelde, recht bekanth, vnd gesundes liues vnde meth guder Vornunfth meth eygen willen vor sich, syne Erfen vnde Erfnamen, dy nu synt vnd thokamende muchten werden, afgetreden to rechte dy wüste Velthmarke dy drüttig hufen genanlh, die Acker, Holte, Wische vnd Vischerie vp der Lötzken vnd allerleyc Vischerie darbynne vnd vmme lanck

Urkunde vom Jahre 1458. 191

bülen belegen dy Mollenstede, vnd ock yn dat ge meine dy Vischerien, wo man dy don vnd öuen mag vp der herren watere van Lenyn, war dy gele gen synth, de he slck tho erfe vnde tho Iene tho vnrcchte hadde thogetogen, vnd heth vp sodane frünt- liche Sühne dem erwerdigen herren herrn Arnoldus Abte vnd den gemeinen herren des Clusters tho Le nyn güthlicken bereidet vnd gegeuen sefs Tunnen Bernowsches Biere, vnd heth tho sick genamen den vorspracken vnd die Kost der Scheppen der vieven dörper. Gesehyen so vnd heth vorbath den Erwer digen herrn, herrn Arnoldus synen rechten Erfherrn gebeden vmme sodane vorspreckenth vnd seggeworth, die vp eme in Sieden vnd Dörpern geseth hadde, dat he em dat müchte vmme Gades wyllen tho geuen. Dat sick denne alles in solker wiese, alfse vorge- screuen steyth, also vorlopen halh, vnd also ge- sehyen ifs, daran vnde äuer synd gewesth als Tüge die Gestrengen, die Erbare vnde die Bescheiden her ren vnde Lüde Em Casper van Waldow, Ritter, Be nedicts Hoppenrade, Tame Röbel vnd dieBurschap vt vpgnanten Dorpperen, Des to Orkunde vnd vor der Bekantnisse hebben wy ergenanle Richter vnd Schepen der gnanten Sefs dörper, alse Schönerlinde, Möllenbecke, Bastorp, Wandelitz, Stoltenhagen vnd Closterfelde gantz frünllicken gebeden die erlicken herrn, Em Micolaum Möller, Perner tho Schöner- linde, vnd Ern Johann, Perner tho Wandelitz, vmme ore Ingesegele, wente wy en keyne eygene hebben, dy men müchte an dessen Brief hengen *).

*) Der Schulze und die „Alderlude" oder Schoppen zu Meseberg siegelten 1369 eine Urkunde mit ihrem Kirchschtüs- iel. Vgl. S. 75.

192 Kloster Lehnin.

Der bede sy vns denne gethweden hebben, vnd wy gebrucken vnfs der vp desse Thydth, gelicke effth sy vnse eygen weren. Gegeuen to Bastorp an dem Dage vnd Jare als vor is gescreuen.

CXXII.