vVy heer Nicolaus vnde Krisloffer van gades gnaden brodere, hern to Werle, wy bokennen vor allen cristenluden, de dessen breff seen edder hören lesen, dat vor vns vnde vor vnseme rade sint ghewesen vnse leuen truwen prouest vnde pryor van deme Brode vnde hebben vor vns enen breff laten lesen, de was vppe permint geschreuen, bozegelt myd enes Wendeschen heren inghezegele, de was heel vnde vnthobroken vnde ludde aldus van worden to worden:

Wy heer Nicolaus van godes gnaden here to Werlle, wy bokennen vor vns vnde v»se ewyghe nakoraelynghe vnde vnse eruen, dat wy na vthwysinge older

48'

380 1230. 377

breue der heren van deme Brode, de se vor vns ghehat hebben, seen vnde höret hebben, gheuen vnde voregeuen eem vnde eren ewigen nakomelynghen: de kerke to Warne myd deme to Swansyn dorp vnde schede mit voeftheyn huuen, de theynde nacht in den bouensteen dren alevveren tusschen der Mu- retzenn vnde deme Colpyne ewighen by der kerken tho bliuende, vortmer Vrychdorp raid voeftich huuen, mid dren seen, dat de Hauelewather heethen, vortmer theyn hegherhuuen to deme Rumpeshaghen mid deme manlene vnnd kerklene, de kerke to deme Anckershaghen mid vyff huuen, to Clokowe veer- theyn huuen, wes dar äff kumpt, dar scolen de heren van deme Brode vor waren laten de vickerye vppe vnse slote to Pentzelyn, Lucowe dat kerkleen myd dren huuen vnde dat manleen, Vederow myd achte huuen, kercleen \nde manleen, Valkenhaghen mid soes huuen, kerkleen vnde manleen, Schonowe mid dren huuen, kercleen vnde manleen, Kargowe mid soes huuen, kercleen vnde manleen, Pentzelyn de kerke myd twelf morgen vryes akkers vnde myd veer huuen to deme Smorte. Ok voregeue wy eem myd macht desses breues den Reze, de Kemenisse, Wolkensyn, Weytin, Nyendorpe vnde Siritzowe myd der molen. Dit vorbenumede gut scolen se bositten, de heren van deme Brode, to ewigen thyden vrych mid aller thobehoringe, also se mede bogiftighet sinth van wilder wede vnnd van erster plantynghe der forsten van Sielin, der wy ere breue dar vppe seen hebben: dat wille wy eem betlieren vnde nicht ergheren. Wes se ok kopen, buwen edder bydden an vnsen landen, dat is vnse vullekomen wille. Vortmer scolen de heren van deme Brode vnde ere lüde mid creme gude in al vnseme lande, in sieden vnde in dorpen, aller tollen vnde scattinghe vrych wesen vnde leydel wesen, bohaluen vor schenllyke sake. Dit wylle wy holden in aller malhe, alze der Stetineschen heren breue vlhwisen, vnde bidden vnde beeden dor godt alle cristenlude, dal se dat gadeshus van deme Brode mid desser rechlicheit Sterken vnde nicht krencken, vnde nemen dat lo'n van gade; vnde we hir ieghen deith, de scal doen iegen vnse gnade vnde scal dat betheren mid deme hoghesten. Vppe dat dyt siede vnde vast blyue, so hebbe wy vnse grote inghezeghel to tughe laten lienghen vor dessen breff. De is ghe- gheuen to Dobbertyn, na gades bort dusenl iar twehundert iar an deme drutthi- ghesten iare, an suncle Juriens daghe des hillighen rydders. Tughe synl hir auer wesel: heer Hinric Lugen, heer Hinric Vlolowe, heer Bernt Piccatel, heer Clawes Stralendorp, riddere, Pryssebur, Hans vnnd Ghereszlaff brodere knapen van wapen heeten Hauelberghe vnde meer guder lüde.

Vnde wy heer Nicolaus vnde Kristoifer vorbenumed brodere, heren lo Werlle, vnseme closter to deme Brode ere gut, ere vrycheyt vnde eren eghendhoem, na vthwisinge al erer olden breue, nergen mede willen breken vnde willen eem helpen mid al vnsen eruen, dat se scholen by al

378 1230. 381

N

ereme olden rechte blyuen. Des to thuge hebben wy vnse grothen in- ghezeghele mycl witscop laten henghen vor dessen breff. Hir ouer synt ghewesen to thuge: Ludeke Moltzan vnse vaghet to deme Stouenhaghen, Wedeghe van Lesten, Mathies Smeker, heer Reymer Grothe (her) vnse kenseler, heer Nicolaus Schynkel vnse cappellan, Hennyngh Passentyn, Clawes Nortman, Clawes vamme Lobeke vnde raeer lüde, de eren werdich synt. Ghegheuen vnde schreuen na godes bort dusent veerhundert an deme anderen iare, des vryedaghes na Philipp! vnde Jacob! der hillighen apostole. ,

Nach dem Originale im grossherzogl. Archive zu Neu-Strelitz. An dieser Urkunde hangen zwei runde Siegel, welche, bis auf die Umschriften, gleich sind: ein rechts gelehnter Schild mit dem werleschen Stierkopfe (vorwärts schauend, mit ausgeschlagener Zunge und ohne Halsfell); über demselben steht ein Helm mit Helmdecken, und darüber zwei kreuzweise gelehnte Pfauenfedern mit langen Stielen und sonnen- i'ürmigen Fahnen; von den Umschriften ist zu lesen:

s. maoLHi . Domim . Da . WÖRLÖ.

und

ORI

Die Confirinations - Urkunde des Fürsten Nicolaus vom Jahre 1230 ist leider in der Urschrift nicht mehr vorhanden. Ohne Zweifel war sie in lateinischer Sprache abgefasst und der hier gegebene Text ist eine hei der Transsumirung verfertigte niederdeutsche Uebersetzung. — Gedruckt: Jahrb. III, S. 207. Vgl. da selbst S. 31 und 210.