249. Gualterus archiepiscopus Ravennas et Gerardus cardinalis, Innocentii II papae legati, Ottoni I episcopo Bambergensi scribunt, Lotharium III regem de schismate nondum con- stituisse. Hortantur, ut ad se veniat". (E 348)

1130 In Christo plurimum dilecto fratri O(ttoni) Babenbergensis c'Iun' ecclesiae venerabili episcopo frater G(ualterus) Ravennatis ec- clesiae humilis minister et frater G(erhardus) sanctae Romanae ecclesiae cardinalis, apostolicae sedis legati, salutem et omne bonum.

Fraternitati vestrae notum esse credimus, quod dominus noster papa Innocentius cum litteris suis misit nos ad regem et ad regni principes. Qui cum amore et honore nos recepit; sed responsionem suam ad consilium principum distulit. Inter quos fraternitatem vestram primam aut inter primos pro ser- vitio ecclesiae ad curiam festinasse credidimusb; quippe quem inter reliquos episcopos regni Teutonici mater nostra Romana ecclesia quadam praerogativa dilexit et tamquam specialem filium creans propriis manibus benedixit. Rogamus itaque dilectio- nem vestram et in ea fide et devotione, quam matri vestrae Romanae ecclesiae debetis, mandamus: ut, omni occasione et excusatione remota, quantocius ad nos veniatis et, in causa ec- clesiae tamquam fidelis et" catholicus nobis assistendo, legatio- nem domni papae cum litteris suis una cum aliis fratribus re- cipiatis et obaudiatis.