CCLXXV.

ad expeditionem Hicrosolymitanam invitat, idemque negotium episcopo

Moraviensi ibidem commendat. 1147.

I Juci Wladizlao ceterisque nobilibus et uniuerso populo Boemie Bern- hardus clareuallensis abbas uocatus, salutem in Christo. Est mihi sermo ad vos de negotio Christi, in quo est etiam salus vera. Quod loquor, ut in- dignitatem persone scribentis excuset aput vos auctoritas domini, excuset consideratio utilitatis vestre, excuset, que in nobis est intentio caritatis. Modicus quidem sum, sed non modice cupio omnes vos in visceribus Jesu Christi. Hic zelus urget, ut scribam, quod libentius viua voce cordibus vestris inscribere laborarem, si, ut voluntas non deest, suppeteret et facultas. Sed spiritus quidem promplus est, caro autem infirma. Obtemperare non potest corruptibile corpus anime desiderio, nec spiritus velocitatem moles terrena valet comitare; sed quod hinc querimur, abest a vobis portio nostri; sed que vilior est, cor nostrum usque ad vos dilatum est, et si corpus onero- sum terrarum intercapedo detineat. Audiat ergo uniuersitas vestra verbum bonum, audiat verbum salutis, et oblatam indulgence copiam deuotis quibus- dam anime brachiis amplectatur. Neque enim simile est tempus istud ceteris, que huc usque preteriere, temporibus ; noua venit e celo diuine miserationis überlas, beati, quos supers tites inuenit animus placabilis domino, annus re- missionis, annus utique iubileus, dico vobis non fecit dominus taliter omni retro

256

generationi, nec tam copiosam in patres nostros gratie munus efludit. Vi- dete, quo artificio utitur ad soluandum vos, considerate pietatis abissum, et obstupescite peccatores. Necessitatem se habere facit, aut facit, aut simulat, dum vestris necessitatibus subuenire de celo venit, consilium hoc nec ab ho- mine est, sed a corde pietatis diuine processif Commota est et contremuit terra, quia dominus fecit perdere terram suam. Suam, inquam, visus est et annis plusquam XXX homo inter homines conuersatus. Suam, quam hono- rauit natiuitate sua, illustrauit miraculis, dedicauit sanguine, sepultura ditauit. Suam, in qua vox turturis audita est, cum virginis filius castitatis studium commendaret. Suam, in qua primi apparuerunt flores resurrectionis. Hanc repromissionis terram ceperunt occupare maligni, et nisi fuerit, qui resistat, ad ipsum inhiant nostre religionis sacrarium lectumque ipsum maculare co- nantur, in quo propter nos obdormiunt vita nostra in morte, et prophanare loca sanctorum, loca dico agni immaculati purpurata cruore. Audite amplius ali- quid, quod mouere debeat quamlibet durum pectus hominis christiani. Accu- satur proditionis rex noster, imponitnr ei, quod non sit deus, sed falso simu- lauerit, quod non erat. Quis in vobis est fidelis eius, surgat, defendat do minum suum ab imposite proditionis infamia, securum conflictum ineat, ubi sit et vincere gloria et mori lucrum. Quid moramini serui crucis, quid dis- simulatis vos, quibus ne�? robur corporum, ne�? terrena substantia deest. Su- scipite signum crucis, et omnium, de quibus corde contrito confessionem fe- ceritis, plenam indulgentiam delictorum hanc vobis summus pontifex offert vicarius eius, cui dictum est: Quodcunque solueris super terra, erit solutum et in celo. Suscipite munus oblatum, et ad irrecuperabilem indulgentie fa- cultatem alter alterum preuenire festinet. Rogo et consulo, ne propria quis que negotia christi negotio velit preferenda, nec propter ea, que temporibus aliis potuernnt vel poterunt exerceri, illud obmittat, quod recuperan ultra non possit. Et ut noueritis, quando, qua, quomodo sit eundem, paucis audite: In proximo pascha profecturus est exercitus domini et pars non modica per Vnganam ire proposuit. Illud quoque statutum est, ne quis aut varus aut grisiis, seu etiam sericis utatur vestibus, sed neque in equorum faleris auri vel argenti quippiam apponatur, tantum in scutis et ligno sellarum, quibus utentur, cum ad bella procèdent aurum vel argentum apponi licebit hiis, qui

357

voluerint, ut refulgeat sol in eis et terrore dissipetur gentium fortitudo, copiosius hec et latius prosequi oportuerat^ nisi quod habetis aput vos do minum Morauiensem episcopum, virum sanctum et doctum, quem exoratum volumus esse, ut secundum sapientiam, que data ei a domino, diligentius super hoc uniuersitatem vestram studeat exhortari. Exemplar quoque li- terarum domini pape misimus, cuius admonitionem intentissima debetis aure percipere et eius obseruare decreta. Valete.

E codem codice Ms. Olomuccnsi sign. CXXVI.