Ich eignes, etwan hern Friderich Forstmeisters selge wirten zu Geylnhusen vnd Johan min son bekennen offinlichin an || diesem brieue vnd tun kunt allen den, dy in sehen oder hören lesin . . daz wir gutlichen vnd lieplichen gerichtet sin || vnd ge- sonet mit Dytzeln Mulich von Ubennnainre vme alle zweyunge vnd rede, dy zusschin vns vff bede siten von des forstmeisters Amptis wegen vbir den Budinger wait biz off disen hutigen tag irlaufen sint . . vnd han dar vff verzigen und verzihen an diesem brieue genczlichen vnd gar als hernach geschriben stet . . Mit namen ist geret: das Dytzel vorgenant bliben sal geruwelichen sin lebtagen bie dem forstmeister ampte vbir den Budinger wait mit alme rechten, daz darzu gehöret, vngehin- dert vnd vngedranget von mir Johan vorgenant vnd allen

- 176 —

minen geswisterden vnd vnsern erben . . vnd wanne he numme en ist, so sol daz vorgenant forstmeister Ampt bliben bie allen den rechten, als iz von aldir biz her kuraen ist vnd soin alle d^ brieue, d^ min fader selge, her Frlderich Forstmeister oder ich Johan biz her gehabit han von des egenanten Amptis wen dot sin. So sol mir Johan vorgenant bliben geruwelichen min lebtage d^ forsthube, d^ Dytzel vorgenant gehabit hat mit alme rechten, als he sie biz her gehabit hat, vnd sal mir Dytzel die sicher machen, daz ich darane hebendig si, vnge- hiñdert vnd vngedrangit von ime vnd allen sinen geswisterden vnd irn erben.

Auch sol Dytzel vorgenant minre muter Agnese vorge nant geben vur ir kost vnd erbeit seczig gude gulten vnd sal ir d^ halb geben vff na sante Johannis dag, als her entheubt wart, schirst kumet frankinfurder messe vnd daz ander halbe teil von dem dage vbir eyn iar, vnd sol mir Agnese vorgenant vnd minen erben d^ bwissen zu Geylnhusen, daz wir des sicher sin.

Auch sal vns Dytzel vorgenant lazzen gen in den Bu- diuger wait, dy will ich Agnese lebin, alle iar zwentzig swin, if mit sinen swinen in daz eckern gen, soin ime an sinen hundert swinen abe gen.

Auch sal ich vorgenant Agnese vnd mine kint bliben si tzende in dem houe in der bürg zu Geylnhusen, der zu dem vorgeiïanten Ampte gehöret, dise nebesten zwei iar nach gift dis brieues.

Alle dise vorgeschriben artikele vnd igelichen biesunder globen ich Johann vorgenant vur mich vnd alle mine geswis- terde etwen an eydis stat stede vnd veste zu halden ane aller- leye geuerde vnd argelist, vnd han des gebedin die edeln mine gnedigen herrén, hern Conrad /ierren von Trimperg vnd hern Heinrich von Isiuburg, herrén zu Büdingen, daz sie ire Ingesigele au merer vestekeit vur mich vnd mine muter her an gehangen.

Vnd wir Conrad herre von Trimperg vnd Heinrich von Isinburg herre zu Büdingen bekenen, daz wir durch bede willen Johans vorgenant vnd frauwen Agnese siner muter, vnsere Ingesigele zu gezugnisse dirre vorgeschriben rede an diser¿ brieff gehangen han.

Datum Anno domini M°. CCCLX". Quinta feria post diem beati Jacobi Apostoli.

фав Siegel Sonrobe Bon Grimberg ift gut erfjatteit, t-n« fÇtiftftcget ípchirid}? Don Syburg auf ber redjteu Seite ftnrf befdjabigt, bas ЗоЬ,аппв gorfhueifteve ftarf ucnuifdjt unb ait bet Hilten (Seite befdjabigt.

Ätrt bem Originale im Sfidjioe ju Bübingen.