Wir Helfferich, Apt vnd das Cappitel gemeinlich des Stif- tis tzu Selbolt bekenen öffentliche an diesem briefe vnd tun kunt allen den, die yne sehent, horent oder lesen, das wir durch besunder liebe, die wir han, den Edeln herrén, hern Hudolfen vnd hern Eberharten, grauen tzu Wertheim vnd yren erben, tragen solich gut, gulte, lute vnd recht, dartzu tzwentzig phunt heller geldes, die wir vmb sye in dem gerichte tzu Selbolt kaufft han nach dem, als diese brieffe sagen, die darüber ge geben sin, vnd auch solche fryunge, als sie vnserm vorgenan ten Stifft getan hant, das wir den vorgenanten herrén vnd yren erben sollich fruntschafft getan han vnd don mit diesem brieffe, wann sye koment nach vier yarn nach gift dií3 briefes, stedes tzuschen Wyhenachten vnd Mitvasten vnd vns druhundert phunde heller Frankenfurter werunge geben, die sollen wir von yne nemen vnd yne die egeschriben tzwentzig punt geltes, dartzu alle die gut, gulte, lude, recht, fryheyt mit allen nutzen vnd recht, als sy vnz die ingesatzt vnd geantwurt han, fry, ledig, quit vnd loi3 sagen an Widerrede vnd furtzug, vnd ver sprechen vns mit guten truwen, dawider nicht kumen, noch tzu don heymlich, noch offinlich, mtt Worten noch mit werken, mit gerichte noch vngerichte in die heyne wise angeuerde.-

Vnd des tzu vrkunde vnd mere Sicherheit geben wir die sen brieff, besigelt mit vnsern Ingesigeln, den egenanten herrén vnd yren erben, Datum Anno Dominj Millesimo Tricentésimo quadragesimo octauo, feria sexta ante Viti Martiris.

Slue bem rotten Suchte.

-

— itó