(Chrismon.) In nomine sanctae et indiuiduae trinitatis. Heinricus diuina fauente clementia rex. Saluberrimis igitur sacri eloquii institutionibus erudimur et admonemur, ut temporalia relinquentes bona et terrena postponentes commoda aeterna et sine fine mansura in celis studeamus adipisci consistoria. Quapropter nos dominicis non surdum auditum prebentes preceptis et deificis obtemperando intendentes suasionibus quendam nostrae paternae hereditatis locum Babenberc dictum in sedem et culmen episcopatus sublimando proueximus et romana auctoritate atque venerabilis Heinrici vvirciburgensis episcopi consensu ac pari communique omnium nostri fidelium tarn archiepiscoporum quam episcoporum abbatumque nec non ducum, comitum consultu decretoque in honorem sanctae dei genitricis Mariae Sanctorumque apostolorum Petri et Pauli necnon Martirum Kiliani atque Georii stabiliuimus et corroborauimus, ut et inibi nostrum parentumque nostrorura celebre haberetur memoriale et jugis pro omnibus ortodoxis hostia mactaretur salutaris. Proinde nouerit omnium nostri fidelium tarn presens etas quam et successura posteritas, quia nos nostrae proprietatis quendam locum Aterahof dictum in pago Ateragowi et in comitatu Gebehardi comitis situm ad eandem episcopalem sedem Babenberc dictam vna cum omnibus eius pertinentiis siue adherentiis, videlicet vicis, villis, aecclesiis, seruis et ancillis, areis, aedificiis, terris cultis et incultis, uiis, inuiis, exitibus et reditibus, quaesitis uel inquirendis, siluis, forestibus, saginfs, venatonibus, aquis, piscationibus, molis, molendinis, rebus mobilibus et inmobilibus ac ceteris rebus omnibus, quae rite dici uel scribi posunt, utilitatibus hac nostrae auctoritatis preceptali pagina, prout firmissime possumus, donamus atque proprietamus omnium contradictione remota. Precipientes igitur, ut nobis in deo dilectus sepe dictae sedis Eberhardus episcopus liberam dehinc habeat potestatem ac sui successores eundem praescriptum locum Aterahof dictum cum omnibus appendiciis suis tenendi, possidendi seu quicquid sibi libeat, rnodis omnibus in usum episcopatus inde faciendi. Siquis igitur, quod absit, huius nostrae donationis munificentiam destruere siue violare praesumet, in nouissimo die coram oculis dei inextinguibili tormento luat. Quod ne fiat sed haec traditio nostra ab omnibus incorrupta permaneat, hanc cartam inde conscriptam manu propria roborantes sigilli nostri inpressione insigniri iussimus.||
Signum Domni Heinrici (Monogramma) regis Inuictissimi, Eberhardus Cancellarius uice uuilligisi Archicapellani recognoui. Data Kalendis Novembris indictione V. anno dominicae incarnationis M.VII. Anno uero domni Heinrici secundi regnantis VI. actum Frankonofurt feliciter. amen.

Source Fulltext: OÖUB 2 (Wien 1856), S. 73-74