(Chrismon.) In nomine sanctae et indiuiduae trinitatis. Heinricus diuina fauente clementia Rex. Siquid nos aecclesias dei uel in eisdem seruientes de nostris ditare studuerimus, procul dubio inmarcescibile premium in futuro capescere credimus. Qua de re cunctis fidelibus nostris presentibus scilicet atque futuris notum esse uolumus, qualiter nos aeternae uitae desiderio inflammati tarn pro remedio animae nostrae quam parentum nostrorum necnon et interuentu dilectae contectalis nostrae Chunigundae et fideli rogatu dilectissimi ducis Hezelini et deuoto obsequio Eilikae eidem aecclesiae sanctae dei genitricis Mariae, cui ipsa praeesse uidetur, in usum sanctimonialium inibi deo famulantium portionem siluae, quae uocatur Nortuualt, in comitatu Adalberonis in longitudine a fonte fluminis, quod dicitur Ilzisa, sursum usque ad terminum predictae silvae, qui separat duas terras Baioariam videlicet et Boemiam, et ita usque ad fontem fluuii, qui dicitur Rotala, In latitudine uero per decursus eorundem Huminum scilicet Ilzisae et Rotilae usque in fluuium danubii, quicquid eiusdem siluae his finibus inclusum est, per hanc regalis praecepti nostri paginam concedimus atque largimur cum omnibus appendiciis ad eosdem terminos pertinentibus, areis, aedificiis, terris cultis et incultis et pratis, pascuis, aquis aquarumue decursibus, molendinis, piscationibus, uenationibus, siluis exstirpatis uel adhuc stirpandis seu cum omnibus, quae dici vel nominari possunt, vtensilibus Et de nostro iure ac dominio in eius ius ac dominium omnino transfundimus ea quippe ratione, ut predicta abbatissa suique suceessores exinde liberam habeant potestatem tenendi, eommuttandi vel quicquid eis in usum praedictarum sororum agere libuerit. Et ut haec nostrae donationis auctoritas omniurn hominum contradictione remota stabilis et firma constet, hanc cartam ex nostra iussione conscriptam ac firmatam propria manu signauimus. Siquis autem, quod absit, hanc tradicionem uiolare aut minuere praesumat, aeternas paenas cum iuda traditore luat.||
Signum domni Heinrici (Monogramma) regis inuictissimi. Guntherius cancellarius uice Uuilligisi archicappellani recognoui. Data IIII. Kal. Maii Indictione VIII. Anno dominicae incarnationis Millesimo X. Anno uero domni Heinrici secundi regnantis VIII. Actum Regenesburc.

Source Fulltext: OÖUB 2 (Wien 1856), S. 75-76