Nos Vlricus de Waltse capitaneus per totam Stiriam constitutus presentibus profitemur et notum facimus vniuersis has litteras inspecturis, quod veniente ad nos domino Hainrico hospitalario in Pirnomonte et nobis mouente querimoniam de discreto viro Herbordo milite de Gomelwitz super quodam manso sito in Gomelwitz ecclesie sue attinente, quod sibi et ecclesie sue censura videlicet dimidiam libram denariorum Grecensium dare in multis annis friuole neglegisset, et ex eo ipse et heredes sui, secundum quod in priuilegiis suis continebatur ab omni iure quod eis in predicto manso competere dicebant, depositi essent penitus et priuati, ipsum dominum Hainricum hospitalarium ad instanciam prefati Herbordi militis ad hec inclinauimus et induximus precibus studiosis, quod huius solucionis remisit negligenciam nostri causa, sepedicto Herbordo prelibatum mansum ad tempora vite sue iterum conferendo, sic quod singulis annis in festo beati Martini hospitalario predicto dimidiam libram denariorum Grecensium persoluat, quolibet obstaculo postposito et semoto, quod si non fecerit et in solucione dicti census in eodem die tardus fuerit, cassabitur omnimodis suo jure et predictus mansus ad hospitale sine contradiccione qualibet reuertetur heredes ecciam (!) ipsius Herbordi sepedicti in eodem nullum ius penitus retinebunt. In cuius rei testimonium presentem litteram dedimus nostri sigilli robore consignatam, testibus subnotatis, honesto viro Eblino de Monte scriba Styrie, domino fr. dicto Lupo et Hertnido militibus, Liebhardo et Chunrado civibus Grecensibes et aliis quam plurimis fide dignis. Datum in Grecz anno domini M°CC° nonagesimo IX°. sexta feria post Egidii. Propter maiorem vero huius contractus firmitatum et evidenciam pleniorem et vt domui predicte ius suum in eodem sepedicto manso inuiolabiliter obseruetur, iam sepedictus Herbordus sigillum suum apposuit huic seripto. Datum ut supra.

Source Fulltext: OÖUB 6 (Wien 1972), S. 595f., Nr. 26 (Anhang)