Ich Leutoldt vnd Ich vl. vnnd Ich frid. herrn Rugers Prüeschenkhen chint von vreudenstain veriechen an disem brief vnnd thuen khundt allen den, die in sehent vnd h\ernt lesen, daz vns herr Peter von Lobenstain vnd sein hausfrau vnser Muetter vro gedraut habent daz haus zu Vreudenstain geantwurt in vnser Geber mit so gethaner beschaidenhait, daz sye fürwas ledich wellen sein vnnd an allen archguan vmb daz vorgenant haus zu Vreudenstain, Swaz seu darumb anginge mit recht oder mit khainerlay ansprach von vnsern Geshwisterate oder von dechain vnsern freundte, das wu^er des für seu stehen schullen mit allem recht vnnd das Sye daran khain schaden nemen sullen. Darzue haben wu^er vnser Vreunt gepetten hern Calhohen von Valchenstain, herrn hertwichen von strachen, herrn Wernharten von Mezenpach vnnd herrn Otte von Otterstette, die mit samt vns mit guetleichen willen Pu^ergel wordten sindt. Das die vorgenante Redt stete vnd vnuerchert beleibe, daruber geben wu^er vor genanten vier disen brief zu ainem Vrkhundt versigelt mit vnsern anhangundten Insigeln. Der Redt sindt gezeug herr hainr. von Volkhestorf, herr Cunrat von Toppel, herr hainrich von Lonstorf, herr Ottacher von Lobenstain, herr Ruger von furt, herr Ott von Lonsdorf, herr ditmar von Lobnstain vnd ander erber leuth genuech. Die Redt ist geschechen, do von Christi geburdte waren tausent Jahr, dreyhundert Jahr vnd in dem achten Jahr an sanct Augustins tag.

Source Fulltext: OÖUB 5 (Wien 1868), S. 10, Nr. 6