Wir Larentz von gots gnaden Bischof ze Gurk veriehen offenleich mit disem brief vnd tu^en chunt allen den, di in sehent oder ho^erent lesen, Daz vns Vlreich der Pfenig . . . . . . nevn march goltes, di bei Rabensperch in dem Sevntal gelegen sint, di er von vns vnd vnserm Gotshous ze lehen gehabt hat, vreileich vnd ledichleich auf geben hat vnd haben wir di nach seiner vnd seiner vrivnd pete vrovn Annen Ma^erchleins tochter ab der Ra^ezznicz seiner Hausfrawen vnd auch im hin wider ze rechtem lehen verlihen in vnd iren erben, di si mit einander gewinnent, ewichleichen ze beleiben vnuerzigen anderr leut recht. Vnd dar v^eber ze vrchu^end geben wir disen brief mit vnserm anhangundem Insigel versigelten, Der ist geben ze Weytenstein an sand Alexen tag nach Christes geburt Tausent jar drev hundert jar, dar nach in dem Sechs vnd dreizigistem Jar.

Source Fulltext: OÖUB 6 (Wien 1972), S. 208f., Nr. 205