Wir Graf Hainreich, Graf Wernhart, Graf Rudolf, Graf Fridreich geprueder von Schavmberch Wir veriechen fur vns vnd fur vnser erben vnd tun chvnt Allen den, di disen prief ansechent oder hornt lesen, Daz wir vns verricht vnd vertaidingt haben mit hern Chonraten von Tannberch vmb den chrieg vnd umb den Auflauf, der zwischen im vnd vns ist gewesen Also mit der beschayden, daz wir im vnd seinen erben verliehen haben, waz er weins vnd Traydez bedarf in sein Haus, Daz im daz vrey schol fur gen auf vnserr Mautt ze Asschach an alle yrrung. Waer aber daz getan, daz er an erben verfu^er, so hat sein Vetter vlreich von Tannberch vnd sein erben dy selben recht van vns, alz sev der vorgenant her Chonrat van Tannberch van vns hat gehabt. Daz dy red staet vnd vnuerchert beleib, dar vber geben wir dysen offen prief mit vnsern anhangvnden jnsigeln, Der ist geben nach Chrystez gepu^erd Dreutzehen hvndert jar, dar nach in dem vier vnd viertzigistem jar an Sand Gallen Tag.

Source Fulltext: OÖUB 6 (Wien 1972), S. 493, Nr. 489