Ich Fridreich der hornbast purger ze Lintz, ich thorothea sein hausfraw^e vnd ich Johans sein svn wir vergehen offenbar an disem brief, daz vns vnser genaediger her Ortolf Ertzpischof ze Saltzburch, legat des stu^els ze Rom sein haus ze Lintz ze vnsern dreyn leiben verliehen hat also beschaidenleichen, daz wir im vnd seinen dienern mit dem selben haus vnd mit chelern vnd mit chamern, di dar inn sind, vnd mit alter gewonheit, als vnser voruordern getain habent, warten sullen, dar vber gib ich vorgenanter fridrich fur mich, fu^er mein wirtinn vnd meinen sv°n, di oben geschriben sind, vnd di aigner jnsigel nicht habent, disen brief versigelten mit meinem jnsigel, der geben ist ze Salczburg an dem liechtmess abent anno domini millesimo CCCmo Xlquinto.

Source Fulltext: OÖUB 6 (Wien 1972), S. 503, Nr. 499